{
    "translation": "John Wycliffe Bible (c.1395)",
    "abbreviation": "wycliffe",
    "lang": "enm",
    "language": "English",
    "direction": "LTR",
    "encoding": "UTF-8",
    "book_nr": 42,
    "book_name": "Luke",
    "chapter": 21,
    "name": "Luke 21",
    "verses": [
        {
            "chapter": 21,
            "verse": 1,
            "name": "Luke 21:1",
            "text": "And he biheeld, and saye tho riche men, that casten her yiftis in to the treserie; "
        },
        {
            "chapter": 21,
            "verse": 2,
            "name": "Luke 21:2",
            "text": "but he saye also a litil pore widewe castynge twei ferthingis. "
        },
        {
            "chapter": 21,
            "verse": 3,
            "name": "Luke 21:3",
            "text": "And he seide, Treuli Y seie to you, that this pore widewe keste more than alle men. "
        },
        {
            "chapter": 21,
            "verse": 4,
            "name": "Luke 21:4",
            "text": "For whi alle these of thing that was plenteuouse to hem casten in to the yiftis of God; but this widewe of that thing that failide to hir, caste al hir liflode, that sche hadde. "
        },
        {
            "chapter": 21,
            "verse": 5,
            "name": "Luke 21:5",
            "text": "And whanne sum men seiden of the temple, that it was apparailid with gode stoonus and yiftis, "
        },
        {
            "chapter": 21,
            "verse": 6,
            "name": "Luke 21:6",
            "text": "he seide, These thingis that ye seen, daies schulen come, in whiche a stoon schal not be left on a stoon, which schal not be destried. "
        },
        {
            "chapter": 21,
            "verse": 7,
            "name": "Luke 21:7",
            "text": "And thei axiden hym, and seiden, Comaundour, whanne schulen these thingis be? and what tokne schal be, whanne thei schulen bigynne to be don? "
        },
        {
            "chapter": 21,
            "verse": 8,
            "name": "Luke 21:8",
            "text": "And he seide, Se ye, that ye be not disseyued; for many schulen come in my name, seiynge, For Y am, and the tyme schal neiye; therfor nyle ye go aftir hem. "
        },
        {
            "chapter": 21,
            "verse": 9,
            "name": "Luke 21:9",
            "text": "And whanne ye schulen here batailis and stryues with ynne, nyle ye be aferd; it bihoueth first these thingis to be don, but not yit anoon is an ende. "
        },
        {
            "chapter": 21,
            "verse": 10,
            "name": "Luke 21:10",
            "text": "Thanne he seide to hem, Folk schal rise ayens folk, and rewme ayens rewme; "
        },
        {
            "chapter": 21,
            "verse": 11,
            "name": "Luke 21:11",
            "text": "grete mouyngis of erthe schulen be bi placis, and pestilencis, and hungris, and dredis fro heuene, and grete tokenes schulen be. "
        },
        {
            "chapter": 21,
            "verse": 12,
            "name": "Luke 21:12",
            "text": "But bifore alle these thingis thei schulen sette her hoondis on you, and schulen pursue, bitakynge in to synagogis and kepyngis, drawynge to kyngis and to iusticis, for my name; "
        },
        {
            "chapter": 21,
            "verse": 13,
            "name": "Luke 21:13",
            "text": "but it schal falle to you in to witnessyng. "
        },
        {
            "chapter": 21,
            "verse": 14,
            "name": "Luke 21:14",
            "text": "Therfor putte ye in youre hertis, not to thenke bifore, hou ye schulen answere; for Y schal yyue to you mouth and wisdom, "
        },
        {
            "chapter": 21,
            "verse": 15,
            "name": "Luke 21:15",
            "text": "to whiche alle youre aduersaries schulen not mowe ayenstonde, and ayenseie. "
        },
        {
            "chapter": 21,
            "verse": 16,
            "name": "Luke 21:16",
            "text": "And ye schulen be takun of fadir, and modir, and britheren, and cosyns, and freendis, and bi deeth thei schulen turmente of you; "
        },
        {
            "chapter": 21,
            "verse": 17,
            "name": "Luke 21:17",
            "text": "and ye schulen be in haate to alle men for my name. "
        },
        {
            "chapter": 21,
            "verse": 18,
            "name": "Luke 21:18",
            "text": "And an heere of youre heed schal not perische; "
        },
        {
            "chapter": 21,
            "verse": 19,
            "name": "Luke 21:19",
            "text": "in youre pacience ye schulen welde youre soulis. "
        },
        {
            "chapter": 21,
            "verse": 20,
            "name": "Luke 21:20",
            "text": "But whanne ye schulen se Jerusalem ben enuyround with an oost, thanne wite ye, that the desolacioun of it schal neiye. "
        },
        {
            "chapter": 21,
            "verse": 21,
            "name": "Luke 21:21",
            "text": "Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it. "
        },
        {
            "chapter": 21,
            "verse": 22,
            "name": "Luke 21:22",
            "text": "For these ben daies of veniaunce, that alle thingis that ben writun, be fulfillid. "
        },
        {
            "chapter": 21,
            "verse": 23,
            "name": "Luke 21:23",
            "text": "And wo to hem, that ben with child, and norischen in tho daies; for a greet diseese schal be on the erthe, and wraththe to this puple. "
        },
        {
            "chapter": 21,
            "verse": 24,
            "name": "Luke 21:24",
            "text": "And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid. "
        },
        {
            "chapter": 21,
            "verse": 25,
            "name": "Luke 21:25",
            "text": "And tokenes schulen be in the sunne, and the mone, and in the sterris; and in the erthe ouerleiyng of folkis, for confusioun of sown of the see and of floodis; "
        },
        {
            "chapter": 21,
            "verse": 26,
            "name": "Luke 21:26",
            "text": "for men schulen wexe drye for drede and abidyng that schulen come to al the world; for vertues of heuenes schulen be mouyd. "
        },
        {
            "chapter": 21,
            "verse": 27,
            "name": "Luke 21:27",
            "text": "And thanne thei schulen se mannys sone comynge in a cloude, with greet power and maieste. "
        },
        {
            "chapter": 21,
            "verse": 28,
            "name": "Luke 21:28",
            "text": "And whanne these thingis bigynnen to be maad, biholde ye, and reise ye youre heedis, for youre redempcioun neiyeth. "
        },
        {
            "chapter": 21,
            "verse": 29,
            "name": "Luke 21:29",
            "text": "And he seide to hem a liknesse, Se ye the fige tre, and alle trees, "
        },
        {
            "chapter": 21,
            "verse": 30,
            "name": "Luke 21:30",
            "text": "whanne thei bryngen forth now of hem silf fruyt, ye witen that somer is nyy; "
        },
        {
            "chapter": 21,
            "verse": 31,
            "name": "Luke 21:31",
            "text": "so ye, whanne ye seen these thingis to be don, wite ye, that the kyngdom of God is nyy. "
        },
        {
            "chapter": 21,
            "verse": 32,
            "name": "Luke 21:32",
            "text": "Treuli Y seie to you, that this generacioun schal not passe, til alle thingis be don. "
        },
        {
            "chapter": 21,
            "verse": 33,
            "name": "Luke 21:33",
            "text": "Heuene and erthe schulen passe, but my wordis schulen not passe. "
        },
        {
            "chapter": 21,
            "verse": 34,
            "name": "Luke 21:34",
            "text": "But take ye heede to you silf, lest perauenture youre hertis be greuyd with glotony, and drunkenesse, and bisynessis of this lijf, and thilke dai come sodein on you; for as a snare it schal come on alle men, "
        },
        {
            "chapter": 21,
            "verse": 35,
            "name": "Luke 21:35",
            "text": "that sitten on the face of al erthe. "
        },
        {
            "chapter": 21,
            "verse": 36,
            "name": "Luke 21:36",
            "text": "Therfor wake ye, preiynge in ech tyme, that ye be hadde worthi to fle alle these thingis that ben to come, and to stonde bifor mannus sone. "
        },
        {
            "chapter": 21,
            "verse": 37,
            "name": "Luke 21:37",
            "text": "And in daies he was techynge in the temple, but in nyytis he yede out, and dwellide in the mount, that is clepid of Olyuet. "
        },
        {
            "chapter": 21,
            "verse": 38,
            "name": "Luke 21:38",
            "text": "And al the puple roos eerli, to come to hym in the temple, and to here hym.  "
        }
    ]
}