{
    "translation": "Tausug Kitab Injil",
    "abbreviation": "tausug",
    "lang": "tsg",
    "language": "Tausug",
    "direction": "LTR",
    "encoding": "UTF-8",
    "book_nr": 51,
    "book_name": "Colossians",
    "chapter": 3,
    "name": "Colossians 3",
    "verses": [
        {
            "chapter": 3,
            "verse": 1,
            "name": "Colossians 3:1",
            "text": "Na, in kamu yan biya' da sin imunung ha Almasi nabuhi' nagbalik, sabab kiyarihilan kamu sin Tuhan kabuhi' way kahinapusan niya. Hangkan bihaun subay in malaggu' tuud ha lawm atay niyu, amu in tuyuan niyu, amuna in surga', amu in piyamamarintahan sin Almasi. Karna' duun in Almasi limilingkud ha dapit pa tuu sin Tuhan, amu in lugal tiyatagama ha makawasa."
        },
        {
            "chapter": 3,
            "verse": 2,
            "name": "Colossians 3:2",
            "text": "Hangkan kabalikan ku, subay in pikilun niyu in unu-unu didtu ha surga', bukun amu in manga unu-unu d\u012b ha dunya."
        },
        {
            "chapter": 3,
            "verse": 3,
            "name": "Colossians 3:3",
            "text": "Karna' in manga kamu agad ha Almasi, biya' sapantun hambuuk tau patay, wayruun na napsu niyu sin manga hinang magdunya. Iban in kamu yan awn na katantuhan sin kabuhi' niyu ha adlaw mahuli, amu in kabuhi' tiyataw' kaniyu sin Almasi duun ha surga', amu in hulaan sin Tuhan."
        },
        {
            "chapter": 3,
            "verse": 4,
            "name": "Colossians 3:4",
            "text": "Na, bang in Almasi, amu in magdirihil k\u0101tu'niyu sin kabuhi' sabunnal amu in way kahinapusan, magbalik na mari pa dunya, in kitaniyu suku' niya makaagad iban makas\u0101w na sin kalagguan niya. "
        },
        {
            "chapter": 3,
            "verse": 5,
            "name": "Colossians 3:5",
            "text": "  Na, hangkan na subay niyu tuud tangtangan dayn ha baran niyu in unu-unu na mang\u012b', amu in kabiyaksahan sin tau paghinangun, biya' na sin magjina. \u012agi niyu dayn ha baran niyu in kat\u0101n hinang lumu'. \u012agi niyu da isab dayn ha lawm pamikil niyu in manga napsu unu-unu na malummi' atawa mang\u012b'. Iban ayaw kamu magnapsu sin unu-unu na mayan kakitaan niyu. Pasal bang awn tau maghawa-napsu, maglulugay, in napsu niya yan mahinang na patuhanan niya."
        },
        {
            "chapter": 3,
            "verse": 6,
            "name": "Colossians 3:6",
            "text": "Tantu tuud pagmurkaan sin Tuhan in manga tau di' magkahagad kaniya, amu in masi-masi nam\u0101n himihinang sin manga biya' ha yan."
        },
        {
            "chapter": 3,
            "verse": 7,
            "name": "Colossians 3:7",
            "text": "Iban in kamu yan bakas da isab nakahinang sin biya' ha yan, ha waktu wala' pa kamu nagparachaya kan \u012asa. Amu na in asal laku-tabiat niyu."
        },
        {
            "chapter": 3,
            "verse": 8,
            "name": "Colossians 3:8",
            "text": " Sagawa' bihaun subay bang ib\u0101rat tamungun, hubuan niyu na dayn ha baran niyu in manga kat\u0101n addat niyu mang\u012b'. Ayaw niyu karugali in pagkahi niyu iban subay bukun mapasu' in pangatayan niyu. Ayaw kamu mangjilaka', manglaka'-laka' iban mamung sin manga bichara lumu'."
        },
        {
            "chapter": 3,
            "verse": 9,
            "name": "Colossians 3:9",
            "text": "Ayaw kamu mamichara sin unu-unu na bukun bunnal ha manga pagkahi niyu, sabab in kamu yan biya' na sin agi ku bang ib\u0101rat tamungun, hiyubuan niyu na dayn ha baran niyu in bakas addat-tab\u012bat niyu mang\u012b'."
        },
        {
            "chapter": 3,
            "verse": 10,
            "name": "Colossians 3:10",
            "text": "Manjari, bihaun piyakay niyu in addat-tab\u012bat marayaw, amu in d\u012bhil kaniyu sin Tuhan. Iban hangkan in atay niyu pindahan na sin Tuhan ha supaya sum\u016bng in ingat niyu pasal pa Tuhan, sampay in addat-tab\u012bat niyu mapinda na tuud, mabiya' na sin addat-tab\u012bat niya."
        },
        {
            "chapter": 3,
            "verse": 11,
            "name": "Colossians 3:11",
            "text": "Na, dayn ha pasal ini, wayruun na piyagbiddaan sin manga Yahudi iban sin bukun Yahudi, sin manga naislam iban sin wala', sin manga tagapangadji' iban sin wayruun, iban sin manga tau \u012bpun iban sin bukun. Sabab in labi awla maharga' iban mataas dayn ha kat\u0101n, amuna in Almasi. Siya in limilimbang duun ha kat\u0101n agad kaniya."
        },
        {
            "chapter": 3,
            "verse": 12,
            "name": "Colossians 3:12",
            "text": " Na, pagga in kamu yan nap\u012b' suku' sin Tuhan iban kiyakasihan niya tuud, na subay isab biya' ha ini in manga addat pakayun niyu. Subay kamu marayaw iban maluuy ha pagkahi niyu. Subay bukun mataas in d\u0101han niyu sin baran niyu. Iban subay kamu mahanunut iban masabal."
        },
        {
            "chapter": 3,
            "verse": 13,
            "name": "Colossians 3:13",
            "text": "Subay kamu isab di' magt\u016by dugalan ha pagkahi niyu. Subay kamu magmaap-miyaapi bang awn dayn kaniyu makarusa. In pagmaap niyu, subay biya' da isab sin pag'ampun sin Tuhan sin manga dusa niyu."
        },
        {
            "chapter": 3,
            "verse": 14,
            "name": "Colossians 3:14",
            "text": "Sagawa' in labi awla tuud pakayun niyu, amuna in kasi-lasa ha pagkahi niyu. Sabab in kasi-lasa amuna in makapatibuuk tuud kaniyu."
        },
        {
            "chapter": 3,
            "verse": 15,
            "name": "Colossians 3:15",
            "text": " L\u0101gi' subay niyu agarun iban hitaw' ha lawm atay niyu in kahatulan iban kasulutan d\u012bhil sin Almasi kaniyu, supaya in kamu kat\u0101n nap\u012b' suku' niya, amu in biya' sapantun baran niya, makapagtibuuk. Karna' amuna in maksud sin Tuhan kaniyu, maghangka-atay kamu iban maghangka-pikilan. Iban subay kamu magsarang-sukul sin kat\u0101n nahinang kaniyu sin Tuhan."
        },
        {
            "chapter": 3,
            "verse": 16,
            "name": "Colossians 3:16",
            "text": "Pah\u016bpa pa lawm pamikil iban atay niyu in kat\u0101n hindu' sin Almasi, amu in way makaliyu in dayaw niya. Pagtabang-tiyabangi kamu magpah\u0101ti pasal sin Almasi iban maghindu' pahalliun dayn ha unu-unu makar\u0101 pa kang\u012ban. Hihindu' niyu in kat\u0101n ingat niyu. Pagkalang kamu sin ginisan kalangan pamudji pa Tuhan, biya' na sin kiyasulat ha lawm sin kitab biyaktul sin manga pagkahi niyu Almasihin, iban sin manga kalangan hindu' kaniyu sin R\u016b sin Tuhan. Pagkalang kamu iban pagsarang-sukul ha lawm atay niyu."
        },
        {
            "chapter": 3,
            "verse": 17,
            "name": "Colossians 3:17",
            "text": "Iban unu-unu na mayan in hinangun iban hipamung niyu, paagara niyu ha kabayaan hi Panghu' \u012asa. L\u0101gi' subay kamu magsarang-sukul pa Tuhan labay da isab dayn kaniya."
        },
        {
            "chapter": 3,
            "verse": 18,
            "name": "Colossians 3:18",
            "text": " Manga \u012apun  Na, in kamu yan manga babai tagabana, ini isab in hindu' ku kaniyu. Pagkahagad kamu ha manga bana niyu, sabab amu ini in addat marayaw sin manga babai agad ha Panghu' \u012asa."
        },
        {
            "chapter": 3,
            "verse": 19,
            "name": "Colossians 3:19",
            "text": " Na, in kamu isab manga bana, kalasahi niyu in manga asawa niyu, iban ayaw niyu sila pagbungisi."
        },
        {
            "chapter": 3,
            "verse": 20,
            "name": "Colossians 3:20",
            "text": " Ampa in manga kamu kaanakan, subay kamu tuud magkahagad ha manga maas niyu, pasal amuna yan in makasulut ha Tuhan."
        },
        {
            "chapter": 3,
            "verse": 21,
            "name": "Colossians 3:21",
            "text": " Na, in kamu isab kainaan iban kaamaan, subay niyu di' pakang\u012bun in atay sin manga anak niyu, sabab lumugay mangd\u0101'-d\u0101' sila."
        },
        {
            "chapter": 3,
            "verse": 22,
            "name": "Colossians 3:22",
            "text": " Ampa in kamu manga \u012bpun, pagkahagad kamu iban hinanga niyu in kat\u0101n daakan sin manga tag'\u012bpun kaniyu d\u012b ha dunya minsan kamu wala' jiyajagahan nila. Subay in pikilun niyu maghinang kamu bukun pasal bat dumayaw in ng\u0101n niyu ha piyaghinangan niyu, sagawa' tulus-ihilas sin atay niyu, karna' sin pagmabuga' niyu ha Tuhan."
        },
        {
            "chapter": 3,
            "verse": 23,
            "name": "Colossians 3:23",
            "text": "Hangkan na unu-unu na mayan in hinangun niyu, subay tulus-ihilas tuud in pagtuyu' niyu maghinang, sabab in pikilun niyu bukun m\u0101nusiya' in pagsangsaan niyu, sagawa' in Tuhan."
        },
        {
            "chapter": 3,
            "verse": 24,
            "name": "Colossians 3:24",
            "text": "Tumtuma niyu, in kamu yan tungbasan da sin Panghu'. Hirihil niya da kaniyu in kiyajanji' niya ha manga tau suku' niya. Sabab in Panghu' \u012asa Almasi, amuna in tantu tuud pagsangsaan niyu."
        },
        {
            "chapter": 3,
            "verse": 25,
            "name": "Colossians 3:25",
            "text": "Sagawa' in manga tau amu in sasuku' sin mang\u012b' in hinang, tungbasan da isab sila sin Tuhan pa mang\u012b', sabab in Tuhan di' magdapit bang manghukum ha manga \u012bpun niya. "
        }
    ]
}