{
    "translation": "Tausug Kitab Injil",
    "abbreviation": "tausug",
    "lang": "tsg",
    "language": "Tausug",
    "direction": "LTR",
    "encoding": "UTF-8",
    "book_nr": 48,
    "book_name": "Galatians",
    "chapter": 1,
    "name": "Galatians 1",
    "verses": [
        {
            "chapter": 1,
            "verse": 1,
            "name": "Galatians 1:1",
            "text": "  Sulat ini naug dayn k\u0101ku', hi Paul, hipasampay mawn pa manga jamaa Almasihin ha hula' Galatiya.  In aku ini kiyawakilan magnas\u012bhat, sagawa' bukun m\u0101nusiya' in nagdaak k\u0101ku' iban bukun da isab piyanaug dayn ha m\u0101nusiya' in daakan ini. Sagawa' in ini daakan k\u0101ku' sin Panghu' natu', \u012asa Almasi, iban sin Tuhan, Ama' natu', amu in nagbuhi' nagbalik ha Almasi dayn ha kamatay.  In manga taymanghud taniyu kat\u0101n d\u012b ha ini, yari isab magpasampay sin salam-duwaa nila pa manga kamu jamaa Almasihin duun ha Galatiya."
        },
        {
            "chapter": 1,
            "verse": 2,
            "name": "Galatians 1:2",
            "text": "  Sulat ini naug dayn k\u0101ku', hi Paul, hipasampay mawn pa manga jamaa Almasihin ha hula' Galatiya.  In aku ini kiyawakilan magnas\u012bhat, sagawa' bukun m\u0101nusiya' in nagdaak k\u0101ku' iban bukun da isab piyanaug dayn ha m\u0101nusiya' in daakan ini. Sagawa' in ini daakan k\u0101ku' sin Panghu' natu', \u012asa Almasi, iban sin Tuhan, Ama' natu', amu in nagbuhi' nagbalik ha Almasi dayn ha kamatay.  In manga taymanghud taniyu kat\u0101n d\u012b ha ini, yari isab magpasampay sin salam-duwaa nila pa manga kamu jamaa Almasihin duun ha Galatiya."
        },
        {
            "chapter": 1,
            "verse": 3,
            "name": "Galatians 1:3",
            "text": " Mura-murahan bang mayan kamu sin Tuhan, Ama' natu', iban sin Panghu' natu', \u012asa Almasi, dihilan tulung-tabang iban kasannyangan sin lawm atay niyu."
        },
        {
            "chapter": 1,
            "verse": 4,
            "name": "Galatians 1:4",
            "text": "L\u012blla' sin Almasi in dugu'-nyawa niya, ha supaya kitaniyu mapuas dayn ha manga dusa taniyu, iban ha supaya kitaniyu di' makaagad sin manga hinang mang\u012b' sin manga tau d\u012b ha dunya bihaun. H\u012bnang yan sin Almasi, sabab amu yan in kabayaan sin Tuhan, Ama' natu'."
        },
        {
            "chapter": 1,
            "verse": 5,
            "name": "Galatians 1:5",
            "text": "Pudjihun taniyu in Tuhan kasaumulan. Amin."
        },
        {
            "chapter": 1,
            "verse": 6,
            "name": "Galatians 1:6",
            "text": "  Nainu-inu tuud aku kaniyu bang mayta' kamu magt\u016by manaykud dayn ha Tuhan amu in nagp\u012b' kaniyu suku' niya, sabab sin luuy iban lasa sin Almasi kaniyu. Bihaun nagpipikil na kamu magad ha hindu' dugaing, amu in pag'iyanun da isab sin manga tau, Bayta' Marayaw pasal sin Almasi."
        },
        {
            "chapter": 1,
            "verse": 7,
            "name": "Galatians 1:7",
            "text": "In kasabunnalan niya wayruun na dugaing Bayta' Marayaw pasal sin Almasi dayn sin kiyapamahalayak ku kaniyu. Sagawa' kiyabichara ku in biya' ha yan, sabab awn manga tau nanglingug sin pikilan niyu iban mabaya' maminda sin hindu' sin Bayta' Marayaw pasal sin Almasi."
        },
        {
            "chapter": 1,
            "verse": 8,
            "name": "Galatians 1:8",
            "text": "Sagawa' bang awn tau atawa minsan kami atawa mal\u0101ikat dayn ha surga' in magpamahalayak kaniyu sin Bayta' Marayaw dugaing dayn sin bakas kiyapamahalayak namu' kaniyu, tantu in siya yan makapanarka'."
        },
        {
            "chapter": 1,
            "verse": 9,
            "name": "Galatians 1:9",
            "text": "In ini bakas ku na kiyapamung kaniyu tagna', sagawa' hipamung ku kaniyu bihaun magbalik. Hisiyu-siyu in magpamahalayak sin Bayta' Marayaw dugaing dayn sin diyungug niyu piyamahalayak namu' kaniyu, tantu in tau yan makapanarka'."
        },
        {
            "chapter": 1,
            "verse": 10,
            "name": "Galatians 1:10",
            "text": " Maray' in pangannal niyu hangkan aku nagbichara biya' ha yan, bat iyapas ku in sanglitun aku sin manga tau. Bukun tuud. Sabab in iyangut ku in sanglitun aku sin Tuhan. Atawa in pangannal niyu in iyapas ku bat kaamuhan in manga tau k\u0101ku'. Bukun tuud. Sabab bang amu yan in iyapas ku sampay pa bihaun, di' na aku magkahagad sin daakan k\u0101ku' sin Almasi."
        },
        {
            "chapter": 1,
            "verse": 11,
            "name": "Galatians 1:11",
            "text": "  Manga taymanghud ku, kabayaan ku hipatumtum kaniyu sin in hindu' pasal sin Bayta' Marayaw piyamahalayak ku kaniyu, bukun bunga pikilan sin m\u0101nusiya'."
        },
        {
            "chapter": 1,
            "verse": 12,
            "name": "Galatians 1:12",
            "text": "In hindu' yan wala' ku nakawa' dayn ha m\u0101nusiya', iban wala' yan kiyahindu' k\u0101ku' sin m\u0101nusiya'. Sagawa' in hindu' yan piyatulun k\u0101ku' hi \u012asa Almasi."
        },
        {
            "chapter": 1,
            "verse": 13,
            "name": "Galatians 1:13",
            "text": " Tantu bakas niyu na diyungug in manga hinang ku tagna' ha waktu miyamagad pa aku ha hindu' sin agama sin manga pagkahi ku Yahudi. Di' na hikasipat in pagbinasa ku ha manga jamaa Almasihin suku' sin Tuhan. Piyuspus ku tuud in pagbinasa ku kanila ha supaya wayruun na makapin Almasihin."
        },
        {
            "chapter": 1,
            "verse": 14,
            "name": "Galatians 1:14",
            "text": "Bang ha pagbawgbug da sin agama namu' Yahudi, wayruun pagkahi ku Yahudi, hangka umul-umul ku, in makabiya' sin pagbawgbug ku. Damikkiyan landu' da isab in pagbawgbug ku sin manga addat-b\u012batan sin manga kaapu'-apuan namu'."
        },
        {
            "chapter": 1,
            "verse": 15,
            "name": "Galatians 1:15",
            "text": "Sagawa' minsan aku biya' ha yan, dayn ha sabab sin lasa sin Tuhan k\u0101ku', ha waktu wala' pa aku piyag'anak, asal niya aku pin\u012b' mahinang hambuuk daraakun niya."
        },
        {
            "chapter": 1,
            "verse": 16,
            "name": "Galatians 1:16",
            "text": "L\u0101gi', dimatung mayan in waktu giyanta' sin Tuhan hipanyata' niya k\u0101ku' in Anak niya, ha supaya ku hikapamahalayak in Bayta' Marayaw pasal niya pa manga tau bukun bangsa Yahudi, wala' aku miyadtu kansiyu-siyu nangaru atawa nagpahindu' sin pasal ini."
        },
        {
            "chapter": 1,
            "verse": 17,
            "name": "Galatians 1:17",
            "text": "Damikkiyan, wala' aku miyadtu pa Awrusalam nangaru atawa nagpahindu' ha manga tau amu in nakauna kiyawakilan sin Almasi dayn k\u0101ku'. G\u0101m mayan miyadtu aku magt\u016by pa hula' Arab. Pag'ubus, ampa aku nagbalik pa Damaskus."
        },
        {
            "chapter": 1,
            "verse": 18,
            "name": "Galatians 1:18",
            "text": " Subay na awn t\u016b tahun limabay ampa aku miyadtu pa Awrusalam namisita kan Pitrus iban duwangka-pitu aku himanti' kaniya."
        },
        {
            "chapter": 1,
            "verse": 19,
            "name": "Galatians 1:19",
            "text": "Sagawa' wala' ku k\u012bta' in kaibanan manga wakil sin Almasi, luwal da hi Ya'kub amu in taymanghud sin Panghu' natu'."
        },
        {
            "chapter": 1,
            "verse": 20,
            "name": "Galatians 1:20",
            "text": "In manga kiyabayta' ku ini kaniyu tantu bunnal tuud. Tuhan in saksi' taniyu sin bukun tuud puting in manga bichara ku yan."
        },
        {
            "chapter": 1,
            "verse": 21,
            "name": "Galatians 1:21",
            "text": "Pag'ubus yadtu ampa aku miyadtu pa manga kahula'-hulaan ha Siriya iban Silisiya."
        },
        {
            "chapter": 1,
            "verse": 22,
            "name": "Galatians 1:22",
            "text": "Ha waktu yadtu di' pa aku kaingatan tuud sin manga jamaa Almasihin ha hula' Yahudiya."
        },
        {
            "chapter": 1,
            "verse": 23,
            "name": "Galatians 1:23",
            "text": "Amura in kaingatan nila pasal ku in suysuy kanila sin manga tau. Laung sin manga tau in aku amuna in tau bakas naminsana' tuud ha manga Almasihin, ha supaya sila di' na magparachaya iban mangandul ha Almasi. Sagawa' bihaun, laung nila, aku na in nagpamahalayak sin pasal sin Almasi."
        },
        {
            "chapter": 1,
            "verse": 24,
            "name": "Galatians 1:24",
            "text": "Na, piyudji nila in Tuhan ha pasal ku. "
        }
    ]
}