{
    "translation": "Shona Bible",
    "abbreviation": "shona",
    "lang": "sn",
    "language": "Shona",
    "direction": "LTR",
    "encoding": "UTF-8",
    "book_nr": 47,
    "book_name": "2 Corinthians",
    "chapter": 9,
    "name": "2 Corinthians 9",
    "verses": [
        {
            "chapter": 9,
            "verse": 1,
            "name": "2 Corinthians 9:1",
            "text": "Nokuti maererano nerubatsiro rwevatsvene, hazvina kufanira kwandiri kuti ndikunyorerei; "
        },
        {
            "chapter": 9,
            "verse": 2,
            "name": "2 Corinthians 9:2",
            "text": "nokuti ndinoziva kushingaira kwenyu, kwandinozvirumbidza nako pamusoro penyu kune veMakedhonia, kuti Akaya yakange yazvigadzirira kubvira gore rakapera; nekushingaira kwenyu kwakamutsa vazhinji. "
        },
        {
            "chapter": 9,
            "verse": 3,
            "name": "2 Corinthians 9:3",
            "text": "Asi ndakatuma hama, kuti kuzvirumbidza kwedu pamusoro penyu kusava pasina pachinhu ichi; kuti, sezvandakareva, muve makagadzirira; "
        },
        {
            "chapter": 9,
            "verse": 4,
            "name": "2 Corinthians 9:4",
            "text": "zvimwe pamwe, kana veMakedhonia vachiuya neni vakuwanei musina kuzvigadzirira, isu tinyadziswe (kuti tisati, imwi) pakuvimba uku kwekuzvikudza. "
        },
        {
            "chapter": 9,
            "verse": 5,
            "name": "2 Corinthians 9:5",
            "text": "Naizvozvo ndakaona zvakafanira kukurudzira hama, kuti vatange kuuya kwamuri, uye vatange kugadzira chipo chenyu chepachena chakataurwa nezvacho kare, kuti ichi chive chakagadzirirwa, saizvozvo sechipo chepachena asi kwete sekukara. "
        },
        {
            "chapter": 9,
            "verse": 6,
            "name": "2 Corinthians 9:6",
            "text": "Asi izvi kuti: Anodzvara zvishoma, anokohwawo zvishoma; neanodzvara zvizhinji, achakohwawo zvizhinji. "
        },
        {
            "chapter": 9,
            "verse": 7,
            "name": "2 Corinthians 9:7",
            "text": "Umwe neumwe sezvinoda moyo; kwete nekurwadziwa, kana nekurovererwa; nokuti Mwari anoda anopa nemufaro. "
        },
        {
            "chapter": 9,
            "verse": 8,
            "name": "2 Corinthians 9:8",
            "text": "Uye Mwari anogona kukuwanzirai nyasha dzese, kuti nguva dzese muve nekuringana kwese pazvese, muwanze pabasa rese rakanaka; "
        },
        {
            "chapter": 9,
            "verse": 9,
            "name": "2 Corinthians 9:9",
            "text": "sezvazvakanyorwa zvichinzi: Wakaparadzira, wakapa varombo; kururama kwake kunogara nekusingaperi. "
        },
        {
            "chapter": 9,
            "verse": 10,
            "name": "2 Corinthians 9:10",
            "text": "Zvino iye anopa mbeu kumudzvari, nekupa chingwa chekudya, ngaawanze mbeu dzenyu dzakadzvarwa, nekuwedzera zvibereko zvekururama kwenyu; "
        },
        {
            "chapter": 9,
            "verse": 11,
            "name": "2 Corinthians 9:11",
            "text": "muchifumiswa pazvinhu zvese zvichibva pakupana kwese, zvinokonzera kubudikidza nesu kuvonga kuna Mwari. "
        },
        {
            "chapter": 9,
            "verse": 12,
            "name": "2 Corinthians 9:12",
            "text": "Nokuti basa rekushumira uku harizadzisi kushaiwa kwevatsvene chete, asi kunowanzisawo nekuvongwa kuzhinji kuna Mwari; "
        },
        {
            "chapter": 9,
            "verse": 13,
            "name": "2 Corinthians 9:13",
            "text": "nekuda kweuchapupu hweshumiro iyi vanorumbidza Mwari pamusoro pekuteerera kwekupupura kwenyu evhangeri yaKristu, nekukura kwekupa kwenyu kwavari nekune vese. "
        },
        {
            "chapter": 9,
            "verse": 14,
            "name": "2 Corinthians 9:14",
            "text": "Uye nemunyengetero wavo pamusoro penyu, vachikushuvai nekuda kwenyasha hurusa dzaMwari pamusoro penyu. "
        },
        {
            "chapter": 9,
            "verse": 15,
            "name": "2 Corinthians 9:15",
            "text": "Zvino Mwari ngaavongwe nekuda kwechipo chake chisingarondedzereki.   "
        }
    ]
}