{
    "translation": "Bible in Pohnpeian language",
    "abbreviation": "pohnpeian",
    "lang": "pon",
    "language": "Pohnpeian",
    "direction": "LTR",
    "encoding": "UTF-8",
    "book_nr": 34,
    "book_name": "Nahum",
    "chapter": 1,
    "name": "Nahum 1",
    "verses": [
        {
            "chapter": 1,
            "verse": 1,
            "name": "Nahum 1:1",
            "text": "Iet mahsen ehu duwen Ninipe, koasoiepen kaudiahl ehu me wiawihong Nahum, mehn Elkos.     "
        },
        {
            "chapter": 1,
            "verse": 2,
            "name": "Nahum 1:2",
            "text": "KAUN-O Koht sohte kin kupwurki emen en pahrekiong ih; e kin ketin kaloke me kin uhwong. E kin ketin dupukohng irail nan sapwellime engieng. "
        },
        {
            "chapter": 1,
            "verse": 3,
            "name": "Nahum 1:3",
            "text": "KAUN-O sohte kin ketin mwadang engiengda, ahpw e me ketin manaman oh sohte kin ketin mweidohng me dipan akan en sohte ale lokolok.   Wasa me KAUN-O kin ketin keid ie, melimel kin kohda; depwek kan iei pwelpar me kin kohdahsang ni aluweluwe kan! "
        },
        {
            "chapter": 1,
            "verse": 4,
            "name": "Nahum 1:4",
            "text": "E kin ketin ruwese madau, e ahpw kin madada! E kin ketin kupwurehda pillap akan en madada. Mwaht akan en Pasan kin mengila, Nahna Karmel kin pohnpwehlla, oh rohs en Lepanon kan kin mengila. "
        },
        {
            "chapter": 1,
            "verse": 5,
            "name": "Nahum 1:5",
            "text": "Nahna kan kin rerrer mwohn silang en KAUN-O; dohl kan kin peipeseng mwowe. Sampah kin rerrer ni KAUN-O eh pahn ketido; sampah oh towe kan koaros kin rerrer. "
        },
        {
            "chapter": 1,
            "verse": 6,
            "name": "Nahum 1:6",
            "text": "Ma e pahn ketin engiengda, ihs me kak pitsang? Ihs me kak pitsang sapwellime engieng kowahlap? Sapwellime engieng rasehng kisiniei; paip akan kin mweredi wiahla pwelpar mwowe.   "
        },
        {
            "chapter": 1,
            "verse": 7,
            "name": "Nahum 1:7",
            "text": "KAUN-O me ketin kupwur mwahu; e kin ketin doandoare sapwellime aramas akan ni ahnsou apwal; e kin ketin apwalih irail kan me kin sohpeiong. "
        },
        {
            "chapter": 1,
            "verse": 8,
            "name": "Nahum 1:8",
            "text": "E kin ketin kamwomwala douluhl sapwellime imwintihti kan rasehng lapake; e kin ketin kemehla irail kan me kin uhwong. "
        },
        {
            "chapter": 1,
            "verse": 9,
            "name": "Nahum 1:9",
            "text": "Dahme kumwail koasoakoasoane nan kapehdamwail en uhkihong KAUN-O? E pahn ketin kamwomwkumwailla. Sohte mehmen kin uhwong tohtohsang pak ehu. "
        },
        {
            "chapter": 1,
            "verse": 10,
            "name": "Nahum 1:10",
            "text": "Kumwail pahn rongala douluhl rasehng tuhke tekatek oh dihpw meng! "
        },
        {
            "chapter": 1,
            "verse": 11,
            "name": "Nahum 1:11",
            "text": "  Ninipe, mie ohl emen me pwarada sang rehmw, me diren koasoandi suwed, e kin wia eh koasoandi suwed ong KAUN-O."
        },
        {
            "chapter": 1,
            "verse": 12,
            "name": "Nahum 1:12",
            "text": "Iet me KAUN-O ketin mahsanihong sapwellime aramas akan en Israel: \u201cMehnda ma mehn Asiria kan me kehlail oh ngeder, ahpw re pahn mwomwla oh sohrala. Nei aramas akan, I kalokeikumwailehr, ahpw I sohte pahn pwurehng wia met."
        },
        {
            "chapter": 1,
            "verse": 13,
            "name": "Nahum 1:13",
            "text": "Met I pahn katokedier en Asiria manaman pohmwail oh kauwehla selmete me salihkumwaildier.\u201d  "
        },
        {
            "chapter": 1,
            "verse": 14,
            "name": "Nahum 1:14",
            "text": "  Iet me KAUN-O ketin koasoanehdi duwen Asiria: \u201cSohte pahn kadaudokarail me pahn kadakadaur adarail. I pahn kamwomwala dikedik en eni kan me mi nan tehnpas en arail koht kan. I kaukaunop sousou ehu ong mehn Asiria kan-re sohte konehng re en momour!\u201d  "
        },
        {
            "chapter": 1,
            "verse": 15,
            "name": "Nahum 1:15",
            "text": "  Kilang, meninkeder men kohkohdo pohn nahna kan me weuwa rohng mwahu pwoat! E kohkodohn kalohkihda manaman en powehdi! Kumwail mehn Suda, kumwail wia amwail sarawi kan oh patohwanohng Koht dahme kumwail inoukihongehr. Me suwed kan solahr pahn pwurehng mahweniong sapwamwailo. Re mwomwlahr douluhl!    "
        }
    ]
}