{
    "translation": "Old Public Domain Pohnpeian Bible",
    "abbreviation": "pohnold",
    "lang": "pon",
    "language": "Pohnpeian",
    "direction": "LTR",
    "encoding": "UTF-8",
    "book_nr": 66,
    "book_name": "Revelation of John",
    "chapter": 5,
    "name": "Revelation of John 5",
    "verses": [
        {
            "chapter": 5,
            "verse": 1,
            "name": "Revelation of John 5:1",
            "text": "O i kilanger nan lim pali maun, en me kotidi pon mol o, puk eu, intingidier lole o liki o katengeki pena men kateng isu."
        },
        {
            "chapter": 5,
            "verse": 2,
            "name": "Revelation of John 5:2",
            "text": "O i kilang tounlang kelail amen, pepeidokki ngil laud: Is me kon ong pak pasang puk o, o lapwada a men kateng kan?"
        },
        {
            "chapter": 5,
            "verse": 3,
            "name": "Revelation of John 5:3",
            "text": "A sota amen, me mi nanlang de nin sappa, de pan sappa, me kak ong pak pasang puk, o udial i."
        },
        {
            "chapter": 5,
            "verse": 4,
            "name": "Revelation of John 5:4",
            "text": "Ari, i ap sangesang kaualap, aki sota amen, me diarokadar, me kon ong, en pak pasang puk o, de udial i."
        },
        {
            "chapter": 5,
            "verse": 5,
            "name": "Revelation of John 5:5",
            "text": "O amen ren me lapalap akan masani ong ia: Koe der sangesang! Kilang, Laien, me udan kainok en Iuda, tapin Dawid, me pwaidar ni a peipei, pwen kon ong, pak pasang puk o, o lapwa sang men kateng isu."
        },
        {
            "chapter": 5,
            "verse": 6,
            "name": "Revelation of John 5:6",
            "text": "O i kilang nan warong en mol o nan pung en man pamen o nan pung en lapalap akan Sippul amen u due kamekamelar, me ose isu o por en mas a isu mia, iei Ngen en Kot isu me pakadaralang dol en sappa karos."
        },
        {
            "chapter": 5,
            "verse": 7,
            "name": "Revelation of John 5:7",
            "text": "A kotido, ap kotiki sang puk o ni lim a maun en me kaipokedi pon mol o."
        },
        {
            "chapter": 5,
            "verse": 8,
            "name": "Revelation of John 5:8",
            "text": "A ni a kotin aleer puk o, man maur pamen, o lapalap riek pamen poridi ong mon Sippul o. Amen amen re irail kolekol a arp o dal kold, me dir en potik en isis, iei kapakap en saraui kan."
        },
        {
            "chapter": 5,
            "verse": 9,
            "name": "Revelation of John 5:9",
            "text": "Irail kauleki kaul kap pot indinda: Ir me kotin kon ong, kotikida puk o, o lapwada a men kateng ko, pwe komui kamatalar o neti ki ong Kot nt\u2019 omui sang ni kainok karos, o lokaia karos, o men liki karos, o wei karos."
        },
        {
            "chapter": 5,
            "verse": 10,
            "name": "Revelation of John 5:10",
            "text": "O kotin wia kin irail la wei eu ong atail Kot, pwen samero kan, o re pan nanmarki nin sappa."
        },
        {
            "chapter": 5,
            "verse": 11,
            "name": "Revelation of John 5:11",
            "text": "O i kilanger o i ronger ngil en tounlang toto impan mol o, o man maur ko, o lapalap oko; irail me ngederenia nen nen o kid kid,"
        },
        {
            "chapter": 5,
            "verse": 12,
            "name": "Revelation of John 5:12",
            "text": "Irail indinda ni ngil laud: Sippul o me kamekamelar, me kon ong aineki manaman, o kapwa, o erpit, o kel, o kaka, o lingan, o pai kan."
        },
        {
            "chapter": 5,
            "verse": 13,
            "name": "Revelation of John 5:13",
            "text": "Ir karusia nanlang, o sappa, o pan sappa, o pon madau, o aude pan arail karos, i ronger me re indinda: Me kotidi pon mol o, o Sippul en kapinganla, o kakala, o kalinganada o manaman kokolata."
        },
        {
            "chapter": 5,
            "verse": 14,
            "name": "Revelation of John 5:14",
            "text": "Man maur pamen masani: Amen, O lapalap akan poridi ong pongi i."
        }
    ]
}