{
    "translation": "Ndebele Bible",
    "abbreviation": "ndebele",
    "lang": "nd",
    "language": "Ndebele",
    "direction": "LTR",
    "encoding": "UTF-8",
    "book_nr": 62,
    "book_name": "1 John",
    "chapter": 5,
    "name": "1 John 5",
    "verses": [
        {
            "chapter": 5,
            "verse": 1,
            "name": "1 John 5:1",
            "text": "Wonke okholwa ukuthi uJesu unguKristu uzelwe nguNkulunkulu; laye wonke othanda umzali uthanda lozelwe nguye. "
        },
        {
            "chapter": 5,
            "verse": 2,
            "name": "1 John 5:2",
            "text": "Ngalokho siyazi ukuthi siyabathanda abantwana bakaNkulunkulu, nxa sithanda uNkulunkulu, njalo sigcina imilayo yakhe; "
        },
        {
            "chapter": 5,
            "verse": 3,
            "name": "1 John 5:3",
            "text": "ngoba lolu luthando lukaNkulunkulu, ukuthi sigcine imilayo yakhe; lemilayo yakhe kayinzima. "
        },
        {
            "chapter": 5,
            "verse": 4,
            "name": "1 John 5:4",
            "text": "Ngoba konke okuzelwe nguNkulunkulu kuyawunqoba umhlaba; lalokho yikunqoba okunqoba umhlaba, ukholo lwethu. "
        },
        {
            "chapter": 5,
            "verse": 5,
            "name": "1 John 5:5",
            "text": "Ngubani onqoba umhlaba, ngaphandle kokholwa ukuthi uJesu uyiNdodana kaNkulunkulu? "
        },
        {
            "chapter": 5,
            "verse": 6,
            "name": "1 John 5:6",
            "text": "Lo nguye oweza ngamanzi legazi, uJesu Kristu; kungeyisikho ngamanzi kuphela, kodwa ngamanzi legazi. LoMoya nguye ofakazayo, ngoba uMoya uliqiniso. "
        },
        {
            "chapter": 5,
            "verse": 7,
            "name": "1 John 5:7",
            "text": "Ngoba bathathu abafakazayo ezulwini, uYise, uLizwi, loMoya oNgcwele; laba abathathu banye. "
        },
        {
            "chapter": 5,
            "verse": 8,
            "name": "1 John 5:8",
            "text": "Njalo bathathu abafakazayo emhlabeni, uMoya, lamanzi, legazi; laba abathathu bahlanganyela intonye. "
        },
        {
            "chapter": 5,
            "verse": 9,
            "name": "1 John 5:9",
            "text": "Uba sisemukela ubufakazi babantu, ubufakazi bukaNkulunkulu bukhulu; ngoba lobu yibufakazi bukaNkulunkulu, abufakazileyo ngeNdodana yakhe. "
        },
        {
            "chapter": 5,
            "verse": 10,
            "name": "1 John 5:10",
            "text": "Okholwa eNdodaneni kaNkulunkulu ulobufakazi phakathi kwakhe ngokwakhe; ongakholwa uNkulunkulu, umenze abe ngumqambimanga, ngoba engakholwanga ubufakazi uNkulunkulu abufakazileyo ngeNdodana yakhe. "
        },
        {
            "chapter": 5,
            "verse": 11,
            "name": "1 John 5:11",
            "text": "Yilobu-ke ubufakazi, ukuthi uNkulunkulu usinikile impilo elaphakade, lale impilo iseNdodaneni yakhe. "
        },
        {
            "chapter": 5,
            "verse": 12,
            "name": "1 John 5:12",
            "text": "Olayo iNdodana ulempilo; ongelayo iNdodana kaNkulunkulu kalampilo.  "
        },
        {
            "chapter": 5,
            "verse": 13,
            "name": "1 John 5:13",
            "text": "  Lezizinto ngizibhalela lina elikholwa ebizweni leNdodana kaNkulunkulu, ukuze lazi ukuthi lilempilo elaphakade, lokuze likholwe ebizweni leNdodana kaNkulunkulu. "
        },
        {
            "chapter": 5,
            "verse": 14,
            "name": "1 John 5:14",
            "text": "Njalo yilesi isibindi esilaso kuye, ukuthi uba sicela ulutho ngokwentando yakhe, uyasizwa; "
        },
        {
            "chapter": 5,
            "verse": 15,
            "name": "1 John 5:15",
            "text": "uba-ke sisazi ukuthi uyasizwa, loba yini esiyicelayo, siyazi ukuthi sesilezicelo esizicela kuye. "
        },
        {
            "chapter": 5,
            "verse": 16,
            "name": "1 John 5:16",
            "text": "Uba umuntu ebona umzalwane wakhe esona isono esingasi ekufeni, uzacela, njalo uzamnika impilo labo abangonelanga ekufeni. Sikhona isono esisa ekufeni; kangitsho ukuthi ancenge ngaleso; "
        },
        {
            "chapter": 5,
            "verse": 17,
            "name": "1 John 5:17",
            "text": "konke ukungalungi kuyisono; njalo kukhona isono esingasi ekufeni. "
        },
        {
            "chapter": 5,
            "verse": 18,
            "name": "1 John 5:18",
            "text": "Siyazi ukuthi wonke ozelwe nguNkulunkulu koni; kodwa ozelwe nguNkulunkulu uyazigcina, lomubi kamthinti. "
        },
        {
            "chapter": 5,
            "verse": 19,
            "name": "1 John 5:19",
            "text": "Siyazi ukuthi singabakaNkulunkulu, lokuthi umhlaba wonke ulele ebubini. "
        },
        {
            "chapter": 5,
            "verse": 20,
            "name": "1 John 5:20",
            "text": "Njalo siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; njalo sikuye oweqiniso, eNdodaneni yakhe uJesu Kristu. Yena unguNkulunkulu weqiniso, lempilo elaphakade. "
        },
        {
            "chapter": 5,
            "verse": 21,
            "name": "1 John 5:21",
            "text": "Bantwanyana, zilondolozeni ezithombeni. Ameni.    "
        }
    ]
}