{
    "translation": "Ndebele Bible",
    "abbreviation": "ndebele",
    "lang": "nd",
    "language": "Ndebele",
    "direction": "LTR",
    "encoding": "UTF-8",
    "book_nr": 40,
    "book_name": "Matthew",
    "chapter": 5,
    "name": "Matthew 5",
    "verses": [
        {
            "chapter": 5,
            "verse": 1,
            "name": "Matthew 5:1",
            "text": "Kwathi ebona amaxuku wenyukela entabeni. Esehlezi phansi, abafundi bakhe beza kuye; "
        },
        {
            "chapter": 5,
            "verse": 2,
            "name": "Matthew 5:2",
            "text": "wasevula umlomo wakhe, wabafundisa, wathi:  "
        },
        {
            "chapter": 5,
            "verse": 3,
            "name": "Matthew 5:3",
            "text": "  Babusisiwe abayanga emoyeni; ngoba umbuso wamazulu ungowabo. "
        },
        {
            "chapter": 5,
            "verse": 4,
            "name": "Matthew 5:4",
            "text": "Babusisiwe abalilayo; ngoba bona bazaduduzwa. "
        },
        {
            "chapter": 5,
            "verse": 5,
            "name": "Matthew 5:5",
            "text": "Babusisiwe abamnene; ngoba bona bazakudla ilifa lomhlaba. "
        },
        {
            "chapter": 5,
            "verse": 6,
            "name": "Matthew 5:6",
            "text": "Babusisiwe abalambela labomela ukulunga; ngoba bona bazasuthiswa. "
        },
        {
            "chapter": 5,
            "verse": 7,
            "name": "Matthew 5:7",
            "text": "Babusisiwe abalesihawu; ngoba bona bazahawukelwa. "
        },
        {
            "chapter": 5,
            "verse": 8,
            "name": "Matthew 5:8",
            "text": "Babusisiwe abamhlophe enhliziyweni; ngoba bona bazabona uNkulunkulu. "
        },
        {
            "chapter": 5,
            "verse": 9,
            "name": "Matthew 5:9",
            "text": "Babusisiwe abalamulayo; ngoba bona bazathiwa ngabantwana bakaNkulunkulu. "
        },
        {
            "chapter": 5,
            "verse": 10,
            "name": "Matthew 5:10",
            "text": "Babusisiwe abazingelwayo ngenxa yokulunga; ngoba umbuso wamazulu ungowabo. "
        },
        {
            "chapter": 5,
            "verse": 11,
            "name": "Matthew 5:11",
            "text": "Lina libusisiwe, nxa belithuka belizingela, bekhuluma okubi konke bemelana lani beqamba amanga, ngenxa yami; "
        },
        {
            "chapter": 5,
            "verse": 12,
            "name": "Matthew 5:12",
            "text": "thokozani lithabe kakhulu, ngoba umvuzo wenu mkhulu emazulwini; ngoba ngokunjalo babazingela abaprofethi abalandulelayo.  "
        },
        {
            "chapter": 5,
            "verse": 13,
            "name": "Matthew 5:13",
            "text": "  Lina lilitshwayi lomhlaba; kodwa uba itshwayi seliduma lizatshwaywa ngani? Kalisasizi lutho, ngaphandle kokulahlwa phandle beselinyathelwa ngabantu. "
        },
        {
            "chapter": 5,
            "verse": 14,
            "name": "Matthew 5:14",
            "text": "Lina liyikukhanya komhlaba; umuzi omiswe phezu kwentaba ungesitheke; "
        },
        {
            "chapter": 5,
            "verse": 15,
            "name": "Matthew 5:15",
            "text": "njalo kabalumathisi isibane basibeke ngaphansi kwesitsha, kodwa phezu kwesiqobane sesibane, besesibakhanyisela bonke abasendlini. "
        },
        {
            "chapter": 5,
            "verse": 16,
            "name": "Matthew 5:16",
            "text": "Ngokunjalo kakukhanye ukukhanya kwenu phambi kwabantu, ukuze babone imisebenzi yenu emihle, badumise uYihlo osemazulwini.  "
        },
        {
            "chapter": 5,
            "verse": 17,
            "name": "Matthew 5:17",
            "text": "  Lingacabangi ukuthi ngize ukuchitha umlayo kumbe abaprofethi; angizanga ukuchitha kodwa ukugcwalisa. "
        },
        {
            "chapter": 5,
            "verse": 18,
            "name": "Matthew 5:18",
            "text": "Ngoba ngiqinisile ngithi kini: Kuze kudlule izulu lomhlaba, kakusoze kudlule ibadlana libe linye kumbe ichatshana libe linye emlayweni kuze kwenzeke konke. "
        },
        {
            "chapter": 5,
            "verse": 19,
            "name": "Matthew 5:19",
            "text": "Ngakho owephula owodwa kulimilayo emincinyane, afundise abantu ngokunjalo, uzathiwa ngomncinyane embusweni wamazulu; kodwa oyenzayo ayifundise, lowo uzathiwa mkhulu embusweni wamazulu. "
        },
        {
            "chapter": 5,
            "verse": 20,
            "name": "Matthew 5:20",
            "text": "Ngoba ngithi kini: Ngaphandle kokuthi ukulunga kwenu kwedlule okwababhali lokwabaFarisi, kalisoze lingene embusweni wamazulu. "
        },
        {
            "chapter": 5,
            "verse": 21,
            "name": "Matthew 5:21",
            "text": "Lizwile ukuthi kwathiwa kwabasendulo: Ungabulali; laloba ngubani obulalayo, uzakuba lecala lokugwetshwa; "
        },
        {
            "chapter": 5,
            "verse": 22,
            "name": "Matthew 5:22",
            "text": "kodwa mina ngithi kini: Wonke othukuthelela umfowabo kungelasizatho uzakuba lecala lokugwetshwa; lotshoyo kumfowabo ukuthi: Siphukuphukundini! uzakuba lecala emphakathini; lotshoyo ukuthi: Sithuthandini! uzakuba lecala lokusiwa esihogweni somlilo. "
        },
        {
            "chapter": 5,
            "verse": 23,
            "name": "Matthew 5:23",
            "text": "Ngakho uba uletha umnikelo wakho elathini, ubusukhumbula ulapho ukuthi umfowenu ulolutho olumelana lawe, "
        },
        {
            "chapter": 5,
            "verse": 24,
            "name": "Matthew 5:24",
            "text": "tshiya lapho umnikelo wakho phambi kwelathi, uhambe, uqale ubuyisane lomfowenu, ubusuzonikela umnikelo wakho. "
        },
        {
            "chapter": 5,
            "verse": 25,
            "name": "Matthew 5:25",
            "text": "Phangisa uzwane laye omangalelane lawe usesendleleni laye, hlezi omangalelane lawe akunikele kumahluleli, futhi umahluleli akunikele epholiseni, ubusuphoselwa entolongweni. "
        },
        {
            "chapter": 5,
            "verse": 26,
            "name": "Matthew 5:26",
            "text": "Ngiqinisile ngithi kuwe: Kawusoze uphume khona, uze ubhadale indibilitshi yokucina. "
        },
        {
            "chapter": 5,
            "verse": 27,
            "name": "Matthew 5:27",
            "text": "Lizwile ukuthi kwathiwa kwabasendulo: Ungafebi. "
        },
        {
            "chapter": 5,
            "verse": 28,
            "name": "Matthew 5:28",
            "text": "Kodwa mina ngithi kini: Wonke okhangela owesifazana ukumkhanuka usefebile laye enhliziyweni yakhe. "
        },
        {
            "chapter": 5,
            "verse": 29,
            "name": "Matthew 5:29",
            "text": "Njalo uba ilihlo lakho lokunene likukhubekisa, likhuphe ulilahlele khatshana lawe; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni. "
        },
        {
            "chapter": 5,
            "verse": 30,
            "name": "Matthew 5:30",
            "text": "Njalo uba isandla sakho sokunene sikukhubekisa, siqume usilahlele khatshana lawe; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni. "
        },
        {
            "chapter": 5,
            "verse": 31,
            "name": "Matthew 5:31",
            "text": "Kwathiwa-ke: Loba ngubani owala umkakhe, kumele amnike incwadi yesehlukaniso; "
        },
        {
            "chapter": 5,
            "verse": 32,
            "name": "Matthew 5:32",
            "text": "kodwa mina ngithi kini: Loba ngubani owala umkakhe, ngaphandle kodaba lokufeba, umenza afebe, njalo loba ngubani omthathayo owaliweyo uyafeba. "
        },
        {
            "chapter": 5,
            "verse": 33,
            "name": "Matthew 5:33",
            "text": "Lizwile futhi ukuthi kwathiwa kwabasendulo: Ungafungi amanga, kodwa gcwalisa izifungo zakho eNkosini. "
        },
        {
            "chapter": 5,
            "verse": 34,
            "name": "Matthew 5:34",
            "text": "Kodwa mina ngithi kini: Lingafungi lakanye; loba ngezulu, ngoba liyisihlalo sobukhosi sikaNkulunkulu; "
        },
        {
            "chapter": 5,
            "verse": 35,
            "name": "Matthew 5:35",
            "text": "loba ngomhlaba, ngoba uyisenabelo senyawo zakhe; loba ngeJerusalema, ngoba ingumuzi weNkosi enkulu; "
        },
        {
            "chapter": 5,
            "verse": 36,
            "name": "Matthew 5:36",
            "text": "njalo ungafungi ngekhanda lakho, ngoba ungelwenze unwele lalunye lube mhlophe kumbe lube mnyama. "
        },
        {
            "chapter": 5,
            "verse": 37,
            "name": "Matthew 5:37",
            "text": "Kodwa ilizwi lenu kalibe ngelokuthi: Yebo, yebo; hatshi, hatshi. Okudlula lokhu-ke kuvela komubi.  "
        },
        {
            "chapter": 5,
            "verse": 38,
            "name": "Matthew 5:38",
            "text": "  Lizwile ukuthi kwathiwa: Ilihlo ngelihlo, lezinyo ngezinyo; "
        },
        {
            "chapter": 5,
            "verse": 39,
            "name": "Matthew 5:39",
            "text": "kodwa mina ngithi kini: Lingamelani lobubi; kodwa loba ngubani okuwakala esihlathini sokunene, mphendulele lesinye; "
        },
        {
            "chapter": 5,
            "verse": 40,
            "name": "Matthew 5:40",
            "text": "lalowo ofuna ukukumangalela lokuthatha isigqoko sakho, mtshiyele lesembatho; "
        },
        {
            "chapter": 5,
            "verse": 41,
            "name": "Matthew 5:41",
            "text": "laloba ngubani okubamba ngamandla ukuthi uhambe imayili libe linye, hamba laye abe mabili. "
        },
        {
            "chapter": 5,
            "verse": 42,
            "name": "Matthew 5:42",
            "text": "Mnike ocela kuwe; njalo ungamfulatheli ofisa ukweboleka kuwe. "
        },
        {
            "chapter": 5,
            "verse": 43,
            "name": "Matthew 5:43",
            "text": "Lizwile ukuthi kwathiwa: Wothanda umakhelwane wakho, njalo uzonde isitha sakho; "
        },
        {
            "chapter": 5,
            "verse": 44,
            "name": "Matthew 5:44",
            "text": "kodwa mina ngithi kini: Thandani izitha zenu, libabusise abaliqalekisayo, libaphathe kuhle abalizondayo, libakhulekele abaliphatha kubi, labalizingelayo; "
        },
        {
            "chapter": 5,
            "verse": 45,
            "name": "Matthew 5:45",
            "text": "ukuze libe ngabantwana bakaYihlo osemazulwini, ngoba yena uphumisa ilanga lakhe phezu kwababi labahle, anise izulu phezu kwabalungileyo labangalunganga. "
        },
        {
            "chapter": 5,
            "verse": 46,
            "name": "Matthew 5:46",
            "text": "Ngoba aluba lithanda labo abalithandayo, lilomvuzo bani? Kabenzi njalo labathelisi yini? "
        },
        {
            "chapter": 5,
            "verse": 47,
            "name": "Matthew 5:47",
            "text": "Futhi uba libingelela abafowenu bodwa, lenzani okukhulu okwedlula okwabanye? Kabenzi njalo labathelisi yini? "
        },
        {
            "chapter": 5,
            "verse": 48,
            "name": "Matthew 5:48",
            "text": "Ngakho lina banini ngabapheleleyo, njengoba uYihlo osemazulwini ephelele.  "
        }
    ]
}