{
    "translation": "Ndebele Bible",
    "abbreviation": "ndebele",
    "lang": "nd",
    "language": "Ndebele",
    "direction": "LTR",
    "encoding": "UTF-8",
    "book_nr": 29,
    "book_name": "Joel",
    "chapter": 1,
    "name": "Joel 1",
    "verses": [
        {
            "chapter": 1,
            "verse": 1,
            "name": "Joel 1:1",
            "text": "  Ilizwi leNkosi elafika kuJoweli indodana kaPethuweli. "
        },
        {
            "chapter": 1,
            "verse": 2,
            "name": "Joel 1:2",
            "text": "Zwanini lokhu, badala, libeke indlebe, lonke bahlali belizwe. Kwake kwenzeka lokhu yini ensukwini zenu, kumbe lensukwini zaboyihlo? "
        },
        {
            "chapter": 1,
            "verse": 3,
            "name": "Joel 1:3",
            "text": "Landiselani abantwana benu ngakho, labantwana benu abantwana babo, labantwana babo esinye isizukulwana. "
        },
        {
            "chapter": 1,
            "verse": 4,
            "name": "Joel 1:4",
            "text": "Okutshiywe zintothoviyane isikhonyane sikudlile; lokutshiywe yisikhonyane iqhwagi likudlile; lokutshiywe liqhwagi inswabanda ikudlile. "
        },
        {
            "chapter": 1,
            "verse": 5,
            "name": "Joel 1:5",
            "text": "Phaphamani, zidakwa, likhale inyembezi, liqhinqe isililo, lonke banathi bewayini, ngenxa yewayini elitsha, ngoba liqunyiwe lasuka emlonyeni wenu. "
        },
        {
            "chapter": 1,
            "verse": 6,
            "name": "Joel 1:6",
            "text": "Ngoba isizwe senyukele elizweni lami, esilamandla, esingelanani; amazinyo aso angamazinyo esilwane, silamazinyo emihlathi esilwane esisikazi. "
        },
        {
            "chapter": 1,
            "verse": 7,
            "name": "Joel 1:7",
            "text": "Senze ivini lami laba yincithakalo, lesihlahla sami somkhiwa saba zimvava; sakwebula lokukwebula, sakuphosela phansi, ingatsha zakho zaba mhlophe. "
        },
        {
            "chapter": 1,
            "verse": 8,
            "name": "Joel 1:8",
            "text": "Qhinqani isililo njengentombi emsulwa ebhinciswe isaka ngenxa yomyeni wobutsha bayo. "
        },
        {
            "chapter": 1,
            "verse": 9,
            "name": "Joel 1:9",
            "text": "Umnikelo wokudla lomnikelo wokunathwayo uqunyiwe wasuka endlini yeNkosi. Abapristi, izikhonzi zeNkosi, bayalila. "
        },
        {
            "chapter": 1,
            "verse": 10,
            "name": "Joel 1:10",
            "text": "Insimu ichithiwe, umhlabathi uyalila; ngoba amabele achithiwe, iwayini elitsha lomile, amafutha aphela amandla. "
        },
        {
            "chapter": 1,
            "verse": 11,
            "name": "Joel 1:11",
            "text": "Banini lenhloni, balimi, qhinqani isililo, baphathizivini, ngenxa yengqoloyi langenxa yebhali*; ngoba isivuno sensimu sichithekile. "
        },
        {
            "chapter": 1,
            "verse": 12,
            "name": "Joel 1:12",
            "text": "Ivini libunile, lomkhiwa uphele amandla; ipomegranati*, lesihlahla selala, lesihlahla se-aphula, zonke izihlahla zeganga zomile, ngoba intokozo ibunile yasuka ebantwaneni babantu. "
        },
        {
            "chapter": 1,
            "verse": 13,
            "name": "Joel 1:13",
            "text": "Bhincani, lilile, bapristi, qhinqani isililo, zikhonzi zelathi. Wozani, lilale ebusuku emasakeni, zikhonzi zikaNkulunkulu wami; ngoba umnikelo wokudla lomnikelo wokunathwayo kugodliwe endlini kaNkulunkulu wenu. "
        },
        {
            "chapter": 1,
            "verse": 14,
            "name": "Joel 1:14",
            "text": "Yehlukanisani ukuzila ukudla, libize umhlangano onzulu, libuthanise abadala, labo bonke abahlali belizwe, endlini yeNkosi uNkulunkulu wenu, likhale eNkosini. "
        },
        {
            "chapter": 1,
            "verse": 15,
            "name": "Joel 1:15",
            "text": "Maye ngalolosuku! Ngoba usuku lweNkosi luseduze, luzafika njengencithakalo evela kuSomandla. "
        },
        {
            "chapter": 1,
            "verse": 16,
            "name": "Joel 1:16",
            "text": "Ukudla kakuqunywanga yini phambi kwamehlo ethu, ukuthaba lentokozo kusuka endlini kaNkulunkulu wethu? "
        },
        {
            "chapter": 1,
            "verse": 17,
            "name": "Joel 1:17",
            "text": "Inhlanyelo iyabola ngaphansi kwamagade ayo; izibuya zingamanxiwa, iziphala zidilizelwe phansi, ngoba amabele abunile. "
        },
        {
            "chapter": 1,
            "verse": 18,
            "name": "Joel 1:18",
            "text": "Yeka ukububula kwezifuyo! Imihlambi yenkomo ididekile, ngoba kayilalo idlelo; lemihlambi yezimvu iyahlupheka. "
        },
        {
            "chapter": 1,
            "verse": 19,
            "name": "Joel 1:19",
            "text": "Ngiyakhala kuwe, Nkosi, ngoba umlilo uqedile amadlelo enkangala, lelangabi lilumathise zonke izihlahla zeganga. "
        },
        {
            "chapter": 1,
            "verse": 20,
            "name": "Joel 1:20",
            "text": "Lenyamazana zeganga ziyakhala kuwe, ngoba izifudlana zamanzi zitshile, lomlilo uqede amadlelo enkangala.   "
        }
    ]
}