{
    "translation": "Ndebele Bible",
    "abbreviation": "ndebele",
    "lang": "nd",
    "language": "Ndebele",
    "direction": "LTR",
    "encoding": "UTF-8",
    "book_nr": 28,
    "book_name": "Hosea",
    "chapter": 7,
    "name": "Hosea 7",
    "verses": [
        {
            "chapter": 7,
            "verse": 1,
            "name": "Hosea 7:1",
            "text": "Lapho bengingelapha uIsrayeli, khona isiphambeko sikaEfrayimi sembulwa, lobubi beSamariya; ngoba benza amanga, lesela liyangena, leviyo labaphangi liyaphanga ngaphandle. "
        },
        {
            "chapter": 7,
            "verse": 2,
            "name": "Hosea 7:2",
            "text": "Njalo kabangatsho enhliziyweni yabo ukuthi ngiyabukhumbula bonke ububi babo. Khathesi izenzo zabo zibahanqile, ziphambi kobuso bami.  "
        },
        {
            "chapter": 7,
            "verse": 3,
            "name": "Hosea 7:3",
            "text": "  Bayayithokozisa inkosi ngobubi babo, leziphathamandla ngamanga abo. "
        },
        {
            "chapter": 7,
            "verse": 4,
            "name": "Hosea 7:4",
            "text": "Bonke bayafeba; banjengeziko elibaselwa ngumphekizinkwa, oyekela ukukhwezela umlilo kusukela ekuxoveni inhlama kuze kube sekubileni kwayo. "
        },
        {
            "chapter": 7,
            "verse": 5,
            "name": "Hosea 7:5",
            "text": "Kulusuku lwenkosi yethu; iziphathamandla ziyigulise ngokutshisa kwewayini; yelulela isandla sayo kanye labaklolodayo. "
        },
        {
            "chapter": 7,
            "verse": 6,
            "name": "Hosea 7:6",
            "text": "Ngoba zalungisa inhliziyo yazo njengeziko ngokucathamela kwazo; umphekizinkwa wazo ulala ubusuku bonke; ekuseni libhebhe njengomlilo olelangabi. "
        },
        {
            "chapter": 7,
            "verse": 7,
            "name": "Hosea 7:7",
            "text": "Zonke ziyatshisa njengeziko; zidle abehluleli bazo; amakhosi azo wonke awile; kakulamuntu phakathi kwazo ongibizayo. "
        },
        {
            "chapter": 7,
            "verse": 8,
            "name": "Hosea 7:8",
            "text": "UEfrayimi yena uzihlanganise lezizwe; uEfrayimi uliqebelengwana elingaphendulwanga. "
        },
        {
            "chapter": 7,
            "verse": 9,
            "name": "Hosea 7:9",
            "text": "Abezizwe badla amandla akhe, kodwa yena kazi. Yebo, inwele ezimpunga zihlakazekile phezu kwakhe, kodwa yena kazi. "
        },
        {
            "chapter": 7,
            "verse": 10,
            "name": "Hosea 7:10",
            "text": "Lokuzigqaja kukaIsrayeli kuyafakaza ebusweni bakhe, kodwa kababuyeli eNkosini uNkulunkulu wabo, kabayidingi ngakho konke lokhu. "
        },
        {
            "chapter": 7,
            "verse": 11,
            "name": "Hosea 7:11",
            "text": "Njalo uEfrayimi unjengejuba eliyisiphukuphuku elingelangqondo; bakhalela iGibhithe, baye eAsiriya. "
        },
        {
            "chapter": 7,
            "verse": 12,
            "name": "Hosea 7:12",
            "text": "Lapho behamba ngizakwendlala imbule lami phezu kwabo, ngibehlise njengenyoni zamazulu, ngibajezise njengokwezwakala ebandleni labo. "
        },
        {
            "chapter": 7,
            "verse": 13,
            "name": "Hosea 7:13",
            "text": "Maye kubo, ngoba babalekile kimi! Incithakalo kubo, ngoba baphambukile bemelene lami. Lanxa mina bengingabahlenga, kube kanti bona baqamba amanga bemelene lami. "
        },
        {
            "chapter": 7,
            "verse": 14,
            "name": "Hosea 7:14",
            "text": "Kabakhaleli-ke kimi ngenhliziyo yabo, lapho beqhinqa isililo emibhedeni yabo; babuthana ngenxa yamabele lewayini elitsha, bayaphambuka bemelene lami. "
        },
        {
            "chapter": 7,
            "verse": 15,
            "name": "Hosea 7:15",
            "text": "Lanxa mina ngibalaya ngiqinisa izingalo zabo, kanti baceba okubi bemelene lami. "
        },
        {
            "chapter": 7,
            "verse": 16,
            "name": "Hosea 7:16",
            "text": "Bayaphenduka kodwa kunge koPhezukonke; banjengedandili elikhohlisayo; iziphathamandla zabo ziwa ngenkemba ngenxa yentukuthelo yolimi lwabo. Lokhu kuzakuba yinhlekisa yabo elizweni leGibhithe.   "
        }
    ]
}