{
    "translation": "Ndebele Bible",
    "abbreviation": "ndebele",
    "lang": "nd",
    "language": "Ndebele",
    "direction": "LTR",
    "encoding": "UTF-8",
    "book_nr": 1,
    "book_name": "Genesis",
    "chapter": 1,
    "name": "Genesis 1",
    "verses": [
        {
            "chapter": 1,
            "verse": 1,
            "name": "Genesis 1:1",
            "text": "   Ekuqaleni uNkulunkulu wadala amazulu lomhlaba. "
        },
        {
            "chapter": 1,
            "verse": 2,
            "name": "Genesis 1:2",
            "text": "Njalo umhlaba wawungelasimo ungelalutho, lobumnyama babuphezu kokujula; loMoya kaNkulunkulu wayendiza phezu kwamanzi. "
        },
        {
            "chapter": 1,
            "verse": 3,
            "name": "Genesis 1:3",
            "text": "UNkulunkulu wasesithi: Kakube khona ukukhanya; kwasekusiba khona ukukhanya. "
        },
        {
            "chapter": 1,
            "verse": 4,
            "name": "Genesis 1:4",
            "text": "UNkulunkulu wasebona ukukhanya ukuthi kuhle; uNkulunkulu wasesehlukanisa phakathi kokukhanya lobumnyama. "
        },
        {
            "chapter": 1,
            "verse": 5,
            "name": "Genesis 1:5",
            "text": "UNkulunkulu wasebiza ukukhanya ngokuthi yimini, lobumnyama wabubiza ngokuthi yibusuku. Kwasekusiba yikuhlwa, njalo kwaba yikusa, usuku lokuqala. "
        },
        {
            "chapter": 1,
            "verse": 6,
            "name": "Genesis 1:6",
            "text": "UNkulunkulu wasesithi: Kakube khona umkhathi phakathi kwamanzi; kawehlukanise phakathi kwamanzi lamanzi. "
        },
        {
            "chapter": 1,
            "verse": 7,
            "name": "Genesis 1:7",
            "text": "UNkulunkulu wasesenza umkhathi, wasesehlukanisa phakathi kwamanzi angaphansi komkhathi lamanzi aphezu komkhathi; kwasekusiba njalo. "
        },
        {
            "chapter": 1,
            "verse": 8,
            "name": "Genesis 1:8",
            "text": "UNkulunkulu wasebiza umkhathi ngokuthi ngamazulu. Kwasekusiba yikuhlwa, njalo kwaba yikusa, usuku lwesibili. "
        },
        {
            "chapter": 1,
            "verse": 9,
            "name": "Genesis 1:9",
            "text": "UNkulunkulu wasesithi: Kakuqoqelwe amanzi avela ngaphansi kwamazulu ndawonye, njalo kakubonakale umhlabathi owomileyo; kwasekusiba njalo. "
        },
        {
            "chapter": 1,
            "verse": 10,
            "name": "Genesis 1:10",
            "text": "UNkulunkulu wasebiza umhlabathi owomileyo ngokuthi ngumhlaba, lenhlangano yamanzi wayibiza ngokuthi zinlwandle. UNkulunkulu wasebona ukuthi kuhle. "
        },
        {
            "chapter": 1,
            "verse": 11,
            "name": "Genesis 1:11",
            "text": "UNkulunkulu wasesithi: Umhlaba kawumilise utshani, imibhida ethela inhlanyelo, isihlahla sesithelo sisenza isithelo ngohlobo lwaso, onhlanyelo yaso ikuso phezu komhlaba. Kwasekusiba njalo. "
        },
        {
            "chapter": 1,
            "verse": 12,
            "name": "Genesis 1:12",
            "text": "Umhlaba wasuveza utshani, imibhida ethela inhlanyelo ngohlobo lwayo, lesihlahla sisenza isithelo, esinhlanyelo yaso ikuso ngohlobo lwaso. UNkulunkulu wasebona ukuthi kuhle. "
        },
        {
            "chapter": 1,
            "verse": 13,
            "name": "Genesis 1:13",
            "text": "Kwasekusiba yikuhlwa, njalo kwaba yikusa, usuku lwesithathu. "
        },
        {
            "chapter": 1,
            "verse": 14,
            "name": "Genesis 1:14",
            "text": "UNkulunkulu wasesithi: Kakube khona izikhanyiso emkhathini wamazulu, ukuze zehlukanise phakathi kwemini lobusuku; njalo zibe yizibonakaliso lezikhathi ezimisiweyo, lensuku leminyaka. "
        },
        {
            "chapter": 1,
            "verse": 15,
            "name": "Genesis 1:15",
            "text": "Njalo zibe yizikhanyiso emkhathini wamazulu, ukuze zikhanyise emhlabeni. Kwasekusiba njalo. "
        },
        {
            "chapter": 1,
            "verse": 16,
            "name": "Genesis 1:16",
            "text": "UNkulunkulu wasesenza izikhanyiso ezimbili ezinkulu: Isikhanyiso esikhulu ukuze sibuse imini, lesikhanyiso esincinyane ukuze sibuse ubusuku, kanye lezinkanyezi. "
        },
        {
            "chapter": 1,
            "verse": 17,
            "name": "Genesis 1:17",
            "text": "UNkulunkulu wasezimisa emkhathini wamazulu, ukuthi zikhanyise emhlabeni, "
        },
        {
            "chapter": 1,
            "verse": 18,
            "name": "Genesis 1:18",
            "text": "lokuthi zibuse emini lebusuku, lokwehlukanisa phakathi kokukhanya lobumnyama. UNkulunkulu wasebona ukuthi kuhle. "
        },
        {
            "chapter": 1,
            "verse": 19,
            "name": "Genesis 1:19",
            "text": "Kwasekusiba yikuhlwa, njalo kwaba yikusa, usuku lwesine. "
        },
        {
            "chapter": 1,
            "verse": 20,
            "name": "Genesis 1:20",
            "text": "UNkulunkulu wasesithi: Amanzi kawagcwale ukunyakazela kwemiphefumulo ephilayo, njalo kakuphaphe inyoni phezu komhlaba emkhathini wamazulu. "
        },
        {
            "chapter": 1,
            "verse": 21,
            "name": "Genesis 1:21",
            "text": "UNkulunkulu wasedala oququmadevu bolwandle abakhulu, laso sonke isidalwa esiphilayo esibhinqikayo, amanzi agcwele sona, ngohlobo lwaso, layo yonke inyoni elempiko, ngohlobo lwayo. UNkulunkulu wasebona ukuthi kuhle. "
        },
        {
            "chapter": 1,
            "verse": 22,
            "name": "Genesis 1:22",
            "text": "UNkulunkulu wasekubusisa, esithi: Zalani, lande, njalo ligcwalise amanzi enlwandle, lezinyoni kazande emhlabeni. "
        },
        {
            "chapter": 1,
            "verse": 23,
            "name": "Genesis 1:23",
            "text": "Kwasekusiba yikuhlwa, njalo kwaba yikusa, usuku lwesihlanu. "
        },
        {
            "chapter": 1,
            "verse": 24,
            "name": "Genesis 1:24",
            "text": "UNkulunkulu wasesithi: Umhlaba kawuveze izidalwa eziphilayo ngohlobo lwazo, izifuyo lokuhuquzelayo lenyamazana zomhlaba ngenhlobo zazo. Kwasekusiba njalo. "
        },
        {
            "chapter": 1,
            "verse": 25,
            "name": "Genesis 1:25",
            "text": "UNkulunkulu wasesenza izinyamazana zomhlaba ngenhlobo zazo, lezifuyo ngenhlobo zazo, lakho konke okuhuquzelayo komhlaba ngenhlobo zakho. UNkulunkulu wasebona ukuthi kuhle. "
        },
        {
            "chapter": 1,
            "verse": 26,
            "name": "Genesis 1:26",
            "text": "UNkulunkulu wasesithi: Asenze abantu ngomfanekiso wethu, ngesimo sethu, njalo babuse phezu kwenhlanzi zolwandle, laphezu kwenyoni zamazulu, laphezu kwezifuyo, laphezu komhlaba wonke, laphezu kwakho konke okuhuquzelayo lokho okuhuquzela emhlabeni. "
        },
        {
            "chapter": 1,
            "verse": 27,
            "name": "Genesis 1:27",
            "text": "UNkulunkulu wasemdala umuntu ngomfanekiso wakhe; wamdala ngomfanekiso kaNkulunkulu; owesilisa lowesifazana wabadala. "
        },
        {
            "chapter": 1,
            "verse": 28,
            "name": "Genesis 1:28",
            "text": "UNkulunkulu wasebabusisa, uNkulunkulu wasesithi kibo: Zalani lande, ligcwalise umhlaba njalo liwehlisele phansi; libuse phezu kwenhlanzi zolwandle, laphezu kwenyoni zamazulu, laphezu kwakho konke okuphilayo okuhuquzela emhlabeni. "
        },
        {
            "chapter": 1,
            "verse": 29,
            "name": "Genesis 1:29",
            "text": "UNkulunkulu wasesithi: Khangelani, ngilinike yonke imibhida ethela inhlanyelo, esebusweni bomhlaba wonke, laso sonke isihlahla, okukuso isithelo sesihlahla esithela inhlanyelo; kini singesokudla. "
        },
        {
            "chapter": 1,
            "verse": 30,
            "name": "Genesis 1:30",
            "text": "Njalo kuyo yonke inyamazana yomhlaba, lakuyo yonke inyoni yamazulu, lakukho konke okuhuquzela emhlabeni, okukukho umoya ophilayo, lonke uhlaza ngolokudla. Kwasekusiba njalo. "
        },
        {
            "chapter": 1,
            "verse": 31,
            "name": "Genesis 1:31",
            "text": "UNkulunkulu wasebona konke akwenzileyo; khangela-ke kwakukuhle kakhulu. Kwasekusiba yikuhlwa, njalo kwaba yikusa, usuku lwesithupha.  "
        }
    ]
}