{
    "translation": "Maori",
    "abbreviation": "maori",
    "lang": "mi",
    "language": "Maori",
    "direction": "LTR",
    "encoding": "",
    "book_nr": 46,
    "book_name": "1 Koriniti",
    "chapter": 2,
    "name": "1 Koriniti 2",
    "verses": [
        {
            "chapter": 2,
            "verse": 1,
            "name": "1 Koriniti 2:1",
            "text": "Ko ahau, e oku teina, i ahau i haere atu ai ki a koutou, kihai ahau i haere atu me te pai kupu, me te hua ranei o te whakaaro, i ahau i kauwhau ai ki a koutou i te mea ngaro a te Atua."
        },
        {
            "chapter": 2,
            "verse": 2,
            "name": "1 Koriniti 2:2",
            "text": "I takoto hoki toku whakaaro, kia kaua ahau e matau ki tetahi mea i roto i a koutou, ko Ihu Karaiti anake, ko ia hoki i ripekatia."
        },
        {
            "chapter": 2,
            "verse": 3,
            "name": "1 Koriniti 2:3",
            "text": "A i a koutou ahau me te ngoikore, me te wehi, me te tuiri nui."
        },
        {
            "chapter": 2,
            "verse": 4,
            "name": "1 Koriniti 2:4",
            "text": "Ko taku korero me taku kauwhau ehara i te kupu whakapati na to te tangata whakaaro nui, engari he whakakitenga na te Wairua, na te kaha:"
        },
        {
            "chapter": 2,
            "verse": 5,
            "name": "1 Koriniti 2:5",
            "text": "Kia kore ai to koutou whakapono e tu i runga i o te tangata whakaaro nui, engari i to te Atua kaha."
        },
        {
            "chapter": 2,
            "verse": 6,
            "name": "1 Koriniti 2:6",
            "text": "He ahakoa ra e korero ana matou i te whakaaro nui ki waenganui i te hunga tino tika: ehara ano ia i te whakaaro mohio no tenei ao, no nga rangatira ranei o tenei ao, e memeha haere nei:"
        },
        {
            "chapter": 2,
            "verse": 7,
            "name": "1 Koriniti 2:7",
            "text": "Engari e korero ana matou i te whakaaro nui o te Atua i roto i te mea ngaro, i te whakaaro mohio i huna ra, ko ta te Atua i whakatakoto ai i mua o nga ao, hei whakakororia mo tatou:"
        },
        {
            "chapter": 2,
            "verse": 8,
            "name": "1 Koriniti 2:8",
            "text": "Kihai nei tetahi o nga rangatira o tenei ao i matau; me i matau hoki ratou, kua kahore e ripekatia e ratou te Ariki o te kororia:"
        },
        {
            "chapter": 2,
            "verse": 9,
            "name": "1 Koriniti 2:9",
            "text": "Engari ka rite ki te mea i tuhituhia ra, Ko nga mea kahore te kanohi i kite, kahore te taringa i rongo, kahore ano i tapoko noa ki te ngakau o te tangata, ko nga mea kua rite i te Atua mo te hunga e aroha ana ki a ia."
        },
        {
            "chapter": 2,
            "verse": 10,
            "name": "1 Koriniti 2:10",
            "text": "Otiia kua whakakitea mai aua mea ki a tatou e te Atua ma tona Wairua: e rapu ana hoki te Wairua i nga mea katoa, ae, i nga mea hohonu a te Atua."
        },
        {
            "chapter": 2,
            "verse": 11,
            "name": "1 Koriniti 2:11",
            "text": "Ko wai oti o nga tangata e matau ana ki nga mea a te tangata? ko te wairua anake o te tangata i roto i a ia: waihoki ko nga mea a te Atua e kore e matauria e tetahi, engari e te Wairua o te Atua."
        },
        {
            "chapter": 2,
            "verse": 12,
            "name": "1 Koriniti 2:12",
            "text": "Otiia ko te wairua i riro mai nei i a tatou, ehara i te wairua o te ao, engari ko te Wairua e ahu mai nei i te Atua; kia matau ai tatou ki nga mea kua oti nei te homai e te Atua ki a tatou."
        },
        {
            "chapter": 2,
            "verse": 13,
            "name": "1 Koriniti 2:13",
            "text": "Na ka korero matou i aua mea, ehara nga kupu i te whakaaro mohio o te tangata i whakaako mai, engari he mea whakaako na te Wairua Tapu; e whakariterite ana i nga mea wairua ki nga mea wairua."
        },
        {
            "chapter": 2,
            "verse": 14,
            "name": "1 Koriniti 2:14",
            "text": "Na e kore te tangata i te ngakau maori e tango i nga mea o te Wairua o te Atua: ki a ia he mea kuware era; a e kore ia e ahei te matau, he mea ma te Wairua ka kitea ai."
        },
        {
            "chapter": 2,
            "verse": 15,
            "name": "1 Koriniti 2:15",
            "text": "Otiia ki te mea kei tetahi te Wairua, ka kitea e ia nga mea katoa, e kore ano ia e kitea e tetahi."
        },
        {
            "chapter": 2,
            "verse": 16,
            "name": "1 Koriniti 2:16",
            "text": "Ko wai hoki te matau ana ki te hinengaro o te Ariki, e whakaako ai ia i a ia? Kei a tatou ia te hinengaro o te Karaiti."
        }
    ]
}