{
    "translation": "Manx Gaelic (Esther Jonah 4 Gospels)",
    "abbreviation": "manxgaelic",
    "lang": "gv",
    "language": "Manx Gaelic",
    "direction": "LTR",
    "encoding": "",
    "book_nr": 40,
    "book_name": "Matthew",
    "chapter": 2,
    "name": "Matthew 2",
    "verses": [
        {
            "chapter": 2,
            "verse": 1,
            "name": "Matthew 2:1",
            "text": "Nish tra rug Yeesey ayns Bethlehem dy Yudea, rish lhing ree Herod, cur-my-ner haink deiney-creeney veih'n shiar gys Jerusalem,"
        },
        {
            "chapter": 2,
            "verse": 2,
            "name": "Matthew 2:2",
            "text": "Gra, Cre vel ree ny Hewnyn t'er jeet er y theihll? son honnick shin y rollage echey ayns y shiar, as ta shin er jeet dy chur ooashley da."
        },
        {
            "chapter": 2,
            "verse": 3,
            "name": "Matthew 2:3",
            "text": "Tra cheayll ree Herod shoh, v'eh dy mooar seaghnit, as ooilley Jerusalem marish."
        },
        {
            "chapter": 2,
            "verse": 4,
            "name": "Matthew 2:4",
            "text": "As tra v'eh er symney cooidjagh ooilley ny ard-saggyrtyn, as scrudeyryn y phobble, denee eh jeu cre'n raad va Creest dy heet er y theihll."
        },
        {
            "chapter": 2,
            "verse": 5,
            "name": "Matthew 2:5",
            "text": "As dooyrt adsyn rish, Ayns Bethlehem dy Yudea: son shoh myr te scruit liorish y phadeyr:"
        },
        {
            "chapter": 2,
            "verse": 6,
            "name": "Matthew 2:6",
            "text": "As uss Vethlehem ayns cheer Yudea, cha nee oo sloo ta mastey princeyn Yuda: son assyd's hig Kiannoort nee reill my phobble Israel."
        },
        {
            "chapter": 2,
            "verse": 7,
            "name": "Matthew 2:7",
            "text": "Eisht hug Herod fys follit er ny deiney creeney, as deysht eh ad dy imneagh mychione y traa haink yn rollage rish."
        },
        {
            "chapter": 2,
            "verse": 8,
            "name": "Matthew 2:8",
            "text": "As hug eh ad gys Bethlehem, gra, Immee-jee, as shir-jee magh dy jeidjagh son y lhiannoo, as tra vees shiu er gheddyn magh eh, tar-jee lesh fys hym's, dy voddym's neesht cheet as ooashley 'choyrt da."
        },
        {
            "chapter": 2,
            "verse": 9,
            "name": "Matthew 2:9",
            "text": "Erreish daue v'er chlashtyn y ree, jimmee ad rhymboo, as cur-my-ner hie yn rollage honnick ad ayns y shiar er e toshiaght roue, derrey haink ee, as hass ee erskyn yn ynnyd raad va'n lhiannoo."
        },
        {
            "chapter": 2,
            "verse": 10,
            "name": "Matthew 2:10",
            "text": "Tra honnick ad y rollage, va boggey erskyn-towse orroo."
        },
        {
            "chapter": 2,
            "verse": 11,
            "name": "Matthew 2:11",
            "text": "As goll stiagh 'sy thie, hooar ad y lhiannoo marish Moirrey e voir, as gliooney sheese, hug ad ooashley da as fosley ny tashtaghyn oc, heb ad giootyn da; airh, as frankincense, as myrrh."
        },
        {
            "chapter": 2,
            "verse": 12,
            "name": "Matthew 2:12",
            "text": "As myr va Jee er chur raaue daue ayns ashlish, gyn ad dy hyndaa gys Herod, ghow ad raad elley gys nyn jeer hene."
        },
        {
            "chapter": 2,
            "verse": 13,
            "name": "Matthew 2:13",
            "text": "As tra v'ad er n'immeeaght, cur-my-ner haink ainle y Chiarn gys Joseph ayns ashlish, gra, Trog ort, gow yn lhiannoo as e voir, cosne royd gys Egypt, as fuirree ayns shen derrey ver-yms fys hood: son shirree Herod y lhiannoo dy stroie eh."
        },
        {
            "chapter": 2,
            "verse": 14,
            "name": "Matthew 2:14",
            "text": "Eisht dirree eh, as ghow eh yn lhiannoo, as e voir ayns yn oie, as hie eh roish er-chea gys Egypt:"
        },
        {
            "chapter": 2,
            "verse": 15,
            "name": "Matthew 2:15",
            "text": "As shen-y raad v'eh derrey baase Herod: as shoh myr va cooilleenit shen loayr y Chiarn liorish y phadeyr, gra, Magh ass Egypt deie mee er my vac."
        },
        {
            "chapter": 2,
            "verse": 16,
            "name": "Matthew 2:16",
            "text": "Eisht Herod toiggal dy row eh mollit liorish ny deiney-creeney, v'eh erskyn-towse eulyssagh, as hug eh magh sarey, as varr eh ooilley ny lhiennoo-mec v'ayns Bethlehem, as ayns ooilley ny ardjyn shen, veih daa vlein dy eash as fo, corrym rish y traa v'eh dy imneagh er vriaght jeh ny deiney creeney."
        },
        {
            "chapter": 2,
            "verse": 17,
            "name": "Matthew 2:17",
            "text": "Shen y traa va cooilleenit ny va loayrit liorish Jeremy yn phadeyr, gra,"
        },
        {
            "chapter": 2,
            "verse": 18,
            "name": "Matthew 2:18",
            "text": "Ayns Rama va eam treih er ny chlashtyn, yllaghey as keayney, as dobberan hrimshagh, Rachel keayney son e cloan, as gobbal dy ve er ny gherjaghey, er-yn-oyr nagh row ad er-mayrn."
        },
        {
            "chapter": 2,
            "verse": 19,
            "name": "Matthew 2:19",
            "text": "Agh lurg baase Herod, cur-my-ner haink ainle y Chiarn ayns ashlish gys Joseph ayns Egypt,"
        },
        {
            "chapter": 2,
            "verse": 20,
            "name": "Matthew 2:20",
            "text": "Gra, Irree, as gow yn lhiannoo as e voir, as immee gys cheer Israel: son t'adsyn marroo va shleeuit er bioys y lhiannoo."
        },
        {
            "chapter": 2,
            "verse": 21,
            "name": "Matthew 2:21",
            "text": "As dirree eh, as ghow eh yn lhiannoo as e voir, as haink eh gys cheer Israel."
        },
        {
            "chapter": 2,
            "verse": 22,
            "name": "Matthew 2:22",
            "text": "Agh clashtyn dy row Archelaus reill ayns Judea, ayns ynnyd e ayr Herod, va aggle er dy gholl gys shen: agh myr va Jee er chur roish ayns ashlish, hyndaa eh gys ardjyn Ghalilee."
        },
        {
            "chapter": 2,
            "verse": 23,
            "name": "Matthew 2:23",
            "text": "As jimmee eh dy chummal ayns ard-valley enmyssit Nazareth: as shoh myr va cooilleenit shen loayr ny phadeyryn, Bee eh enmyssit ny Nazarene."
        }
    ]
}