{
    "translation": "El Evangelio segun S. Lucas, traducido al Roman\u00ed, \u00f3 dialecto de los Gitanos de Espa\u00f1a",
    "abbreviation": "calo",
    "lang": "rmq",
    "language": "Calo",
    "direction": "LTR",
    "encoding": "UTF-8",
    "book_nr": 42,
    "book_name": "Luke",
    "chapter": 8,
    "name": "Luke 8",
    "verses": [
        {
            "chapter": 8,
            "verse": 1,
            "name": "Luke 8:1",
            "text": "Y anac\u00f3 despues, que Jesus chalaba por foros y gau, garlando y chamuliando o chim de Deb\u00e9l; y os duideque sat \u00f3."
        },
        {
            "chapter": 8,
            "verse": 2,
            "name": "Luke 8:2",
            "text": "Y tambien yeques cadchias, sos \u00f3 terelaba chibado lacho de bengues chor\u00e9s, y de merdip\u00e9nes: Maria sos se heta Magdalena, de coin terelaba bucharado abr\u00ed efta bengues,"
        },
        {
            "chapter": 8,
            "verse": 3,
            "name": "Luke 8:3",
            "text": "Y Juana romi de Ch\u00fbsa, Queresquero de Herodes, y Susanna, y averes butr\u00e9s, sos le asistian de desqueres jayeres."
        },
        {
            "chapter": 8,
            "verse": 4,
            "name": "Luke 8:4",
            "text": "Y sasta se hubiese catanado sueti baribustri, y abillasen solictos \u00e1 \u00f3 de los fores, os pen\u00f3 por parabola:"
        },
        {
            "chapter": 8,
            "verse": 5,
            "name": "Luke 8:5",
            "text": "Manu chal\u00f3 abr\u00ed \u00e1 chibar desqueri simiente: y al chibarle, yeque aricata per\u00f3 sunparal al drun, y sinaba hollada, y la jam\u00e1ron as patrias e Charos."
        },
        {
            "chapter": 8,
            "verse": 6,
            "name": "Luke 8:6",
            "text": "Y aver per\u00f3 opr\u00e9 bar: y pur se ardi\u00f1\u00f3, se sec\u00f3 presas na terelaba humedad."
        },
        {
            "chapter": 8,
            "verse": 7,
            "name": "Luke 8:7",
            "text": "Y aver per\u00f3 andr\u00e9 jarres, y as jarres, sos ardi\u00f1\u00e1ron sat sir\u00f3, la mulab\u00e1ron."
        },
        {
            "chapter": 8,
            "verse": 8,
            "name": "Luke 8:8",
            "text": "Y aver per\u00f3 andr\u00e9 pu lachi: y ardi\u00f1\u00f3, y di\u00f1\u00f3 mibao \u00e1 ciento por yeque.\u00a0 Penado ocono, se chib\u00f3 \u00e1 penar \u00e1 goles: Coin terela canes de junelar, junele."
        },
        {
            "chapter": 8,
            "verse": 9,
            "name": "Luke 8:9",
            "text": "Os discipules de \u00f3 le puchababan, que parabola sinaba ocona."
        },
        {
            "chapter": 8,
            "verse": 10,
            "name": "Luke 8:10",
            "text": "O les pen\u00f3: A sangue sinela di\u00f1ado chanelar o mysterio e chim de Deb\u00e9l, tami \u00e1 os averes por parabolas: somia que dicando na diquelen, y junelando na jabillelen."
        },
        {
            "chapter": 8,
            "verse": 11,
            "name": "Luke 8:11",
            "text": "A parabola sinela ocona: A simiente sinela a varda de Deb\u00e9l."
        },
        {
            "chapter": 8,
            "verse": 12,
            "name": "Luke 8:12",
            "text": "Y junos sunparal al drun, sinelan ocolas sos la junelan, unga; tami yescotria abillela o Bengui, y nicobela a varda del carlochin de junos, somia que na se chibelen sastos pachibelando."
        },
        {
            "chapter": 8,
            "verse": 13,
            "name": "Luke 8:13",
            "text": "Tami junos opr\u00e9 la bar; sinelan ocolas sos ustilelan sat pesquital a varda, pur la junelan; y oconas na terelan raices, presas \u00e1 chiros pachibelan, y andr\u00e9 o chiros e tentacion limbidian palal."
        },
        {
            "chapter": 8,
            "verse": 14,
            "name": "Luke 8:14",
            "text": "Y ma per\u00f3 andr\u00e9 jarres: oconas sinelan junos, sos la junelan, y se mequelan mulobar de las duas, y de la bestipen, as buchias lachias de ocona chipen, y na di\u00f1elan mibao."
        },
        {
            "chapter": 8,
            "verse": 15,
            "name": "Luke 8:15",
            "text": "Tami ma per\u00f3 andr\u00e9 pu lachi: oconas sinelan junos, sos junelando a varda sat carlochin lacho y sasto, a reterelan, y di\u00f1elan mibao andr\u00e9 orpachirima."
        },
        {
            "chapter": 8,
            "verse": 16,
            "name": "Luke 8:16",
            "text": "Cayque urdiflela yeque antorcha, y a ucharela sat yeque melalo, \u00f3 a chitarela ostely de la cheripen: tami a chitarela opr\u00e9 o candelero, somia que diquelen a dut junos sos chalan andr\u00e9."
        },
        {
            "chapter": 8,
            "verse": 17,
            "name": "Luke 8:17",
            "text": "Presas na sinela buchi pandada, sos na terele de sinar despandada: ni escondida, sos na terele de sinar pincherada, y andr\u00e9 dut abillar."
        },
        {
            "chapter": 8,
            "verse": 18,
            "name": "Luke 8:18",
            "text": "Diquelad pues, sasta junelais, presas a ocola sos terela, le sinar\u00e1 di\u00f1ado: y \u00e1 \u00f3 sos na terela, aun ocolo, sos penchabela terelar, le sinar\u00e1 nicobado."
        },
        {
            "chapter": 8,
            "verse": 19,
            "name": "Luke 8:19",
            "text": "Y abill\u00e1ron \u00e1 \u00f3 sun dai, y desqueres plalores, y na astisaraban bigorear \u00e1 \u00f3 por a baribustri sueti."
        },
        {
            "chapter": 8,
            "verse": 20,
            "name": "Luke 8:20",
            "text": "Y le pen\u00e1ron: Tiri dai y tires plalores sinelan abr\u00ed, sos te camelan dicar."
        },
        {
            "chapter": 8,
            "verse": 21,
            "name": "Luke 8:21",
            "text": "Tami \u00f3 rudel\u00f3 y les pen\u00f3: Minri dai y minres plalores sinelan ocolas, sos junelan a varda de Deb\u00e9l, y a ujarelan."
        },
        {
            "chapter": 8,
            "verse": 22,
            "name": "Luke 8:22",
            "text": "Y anac\u00f3, que yeque chibes chal\u00f3 \u00f3, y desqueres discipules andr\u00e9 yeque berdo; y les pen\u00f3: Naquelemos \u00e1 la aver cunara de la pani, y se chib\u00e1ron \u00e1 nacar."
        },
        {
            "chapter": 8,
            "verse": 23,
            "name": "Luke 8:23",
            "text": "Y o chiros que junos navegaban, \u00f3 querel\u00f3 o sobindoi, y se costun\u00f3 buros de bear andr\u00e9 a pani, y se perelaban de pani, y sinaban en paripen."
        },
        {
            "chapter": 8,
            "verse": 24,
            "name": "Luke 8:24",
            "text": "Y bigoreandose \u00e1 \u00f3, le ostin\u00e1ron, penando: Duquendio, que meramos: Y \u00f3 costunandose chamuli\u00f3 al bear, y al buros de la pani, y ces\u00f3: y sinaba querdi bonanza."
        },
        {
            "chapter": 8,
            "verse": 25,
            "name": "Luke 8:25",
            "text": "Y les pen\u00f3: \u00bfAnduque sinela jir\u00e9 f\u00e9?\u00a0 Y junos perelales de dal se zib\u00e1ron, y penaban os yeques \u00e1 os averes: \u00bfCoin penchabelais sinela ocona, sos andiar penela \u00e1 os beares, y al moros, y o obedecen?"
        },
        {
            "chapter": 8,
            "verse": 26,
            "name": "Luke 8:26",
            "text": "Y chal\u00e1ron \u00e1 la pu es Gerasenos, sos sinela de mamui de la Galil\u00e9a."
        },
        {
            "chapter": 8,
            "verse": 27,
            "name": "Luke 8:27",
            "text": "Y yescotria que ardi\u00f1\u00f3 andr\u00e9 chiquen, chal\u00f3 \u00e1 \u00f3 yeque manu, sos terelaba bengui, baribu chiros, y na chibaba conel, ni socababa andr\u00e9 quer, sino andr\u00e9 os sepulchres."
        },
        {
            "chapter": 8,
            "verse": 28,
            "name": "Luke 8:28",
            "text": "Ocona, yescotria que dic\u00f3 \u00e1 Jesus, se buchar\u00f3 ostely anglal de \u00f3, y di\u00f1ando un gole, pen\u00f3: \u00bfQu\u00e9terelas que dicar con-a-mangue, Jesus, Chaboro e Deb\u00e9l Udscho?\u00a0 Manguelote, que na atormentes mangue."
        },
        {
            "chapter": 8,
            "verse": 29,
            "name": "Luke 8:29",
            "text": "Presas penaba al bengui jindo, que chalase abr\u00ed del manu; presas sinaba baribu chiros que le ustilaba: y aunque le terelaban estardo, y pandado sat berigas y saces, asparaba as saces, y acosado del bengui najaba \u00e1 os desiertos."
        },
        {
            "chapter": 8,
            "verse": 30,
            "name": "Luke 8:30",
            "text": "Y Jesus le puchab\u00f3, y pen\u00f3: \u00bfQu\u00e9 nao terelas tucue?\u00a0 Y \u00f3 rudel\u00f3!\u00a0 Legion: presas habian chalado andr\u00e9 \u00f3 baribustres bengues."
        },
        {
            "chapter": 8,
            "verse": 31,
            "name": "Luke 8:31",
            "text": "Y le manguelaban, que na os bichabase al butron."
        },
        {
            "chapter": 8,
            "verse": 32,
            "name": "Luke 8:32",
            "text": "Piraba ot\u00e9 yeque bari plasta\u00f1i de baliches jamando andr\u00e9 o bur: y le manguelaban, que os mequelase chibarse andr\u00e9 junos.\u00a0 Y se lo mec\u00f3."
        },
        {
            "chapter": 8,
            "verse": 33,
            "name": "Luke 8:33",
            "text": "Chal\u00e1ron pues os bengues abr\u00ed e manu, y chal\u00e1ron andr\u00e9 os baliches: y yescotria os baliches se chib\u00e1ron por yeque luchipen sat sila andr\u00e9 a pani, y se amul\u00e1ron."
        },
        {
            "chapter": 8,
            "verse": 34,
            "name": "Luke 8:34",
            "text": "Pur ocono dic\u00e1ron os durotun\u00e9s, naj\u00e1ron, y lo pen\u00e1ron andr\u00e9 o foros, y por os gaues."
        },
        {
            "chapter": 8,
            "verse": 35,
            "name": "Luke 8:35",
            "text": "Y chal\u00e1ron abr\u00ed somia dicar que habia anacado, y abill\u00e1ron \u00e1 Jesus: y alach\u00e1ron bestelado al manu, de coin habia chalado abr\u00ed os bengues, sos sinaba acana vestido, y andr\u00e9 desquero bardon, \u00e1 \u00f3s pindr\u00e9s de \u00f3, y terel\u00e1ron dal baro."
        },
        {
            "chapter": 8,
            "verse": 36,
            "name": "Luke 8:36",
            "text": "Y les pen\u00e1ron junos sos lo habian dicado, sasta habia sinado listrabado de la legion."
        },
        {
            "chapter": 8,
            "verse": 37,
            "name": "Luke 8:37",
            "text": "Y le manguel\u00f3 sari a sueti del chim es Gerasenes, que se chalase de junos: presas terelaban dal baribu.\u00a0 Y \u00f3 costun\u00f3 andr\u00e9 o berdo, y se limbidi\u00f3."
        },
        {
            "chapter": 8,
            "verse": 38,
            "name": "Luke 8:38",
            "text": "Y o manu, de coin habian chalado abr\u00ed os bengues, le manguelaba somia sinar sat \u00f3.\u00a0 Tami Jesus le bichab\u00f3, y pen\u00f3:"
        },
        {
            "chapter": 8,
            "verse": 39,
            "name": "Luke 8:39",
            "text": "Limbidiatucue \u00e1 tun quer, y pen quan bari furune Deb\u00e9l ha querdi con-a-sangue.\u00a0 Y chal\u00f3 penando por saro o foros, quanto mistos le habia querdi Jesus."
        },
        {
            "chapter": 8,
            "verse": 40,
            "name": "Luke 8:40",
            "text": "Y anac\u00f3, que habiendo limbidiado Jesus, le ustil\u00e1ron a sueti: pues sares le sinaban ujarando."
        },
        {
            "chapter": 8,
            "verse": 41,
            "name": "Luke 8:41",
            "text": "Y abill\u00f3 manu araquerado Jayro, sos sinaba Mancloy e Synagoga: y chibandose a os pindr\u00e9s de Jesus, le manguelaba, que chalase andr\u00e9 desquero quer."
        },
        {
            "chapter": 8,
            "verse": 42,
            "name": "Luke 8:42",
            "text": "Presas terelaba chabori colcori sasta de dui deque berjis, y ocona sinaba merando.\u00a0 Y o chiros que \u00f3 chalaba, a sueti o apretaba."
        },
        {
            "chapter": 8,
            "verse": 43,
            "name": "Luke 8:43",
            "text": "Y yeque cadchi sos terelaba len de rati dui-deque berjis, y habia plasarado o saro que terelaba andr\u00e9 salamites, y de cayque n\u2019astisaraba sinar chibada mistos:"
        },
        {
            "chapter": 8,
            "verse": 44,
            "name": "Luke 8:44",
            "text": "Abill\u00f3 \u00e1 \u00f3 por palal, y pajab\u00f3 a orla de desqueri talorori: y andr\u00e9 o matejo chiros ces\u00f3 o len de desqueri rati."
        },
        {
            "chapter": 8,
            "verse": 45,
            "name": "Luke 8:45",
            "text": "Y pen\u00f3 Jesus: \u00bfCoin ha pajabado mangue?\u00a0 Y negandolo sares, pen\u00f3 Pedro, y junos sos sat \u00f3 sinaban: Duquendio, a sueti aprieta tucue, y pandela, y penelas: \u00bfCoin mangue pajabela?"
        },
        {
            "chapter": 8,
            "verse": 46,
            "name": "Luke 8:46",
            "text": "Y pen\u00f3 Jesus: Yeque ha pajabado mangue: presas he pincherado, que ha chalado sila abr\u00ed de mangue."
        },
        {
            "chapter": 8,
            "verse": 47,
            "name": "Luke 8:47",
            "text": "Pur a cadchi se dic\u00f3 andiar pincherada, abill\u00f3 sat dal, y se chib\u00f3 \u00e1 desqueres pindr\u00e9s: y pen\u00f3 anglal sari a sueti a causa, presas le habia pajabado; y sasta yescotria habia sinado chibada mistos."
        },
        {
            "chapter": 8,
            "verse": 48,
            "name": "Luke 8:48",
            "text": "Y \u00f3 le pen\u00f3: Dugida, tun f\u00e9 ha chibado tucue mistos: Chatucue andr\u00e9 paz."
        },
        {
            "chapter": 8,
            "verse": 49,
            "name": "Luke 8:49",
            "text": "Sinando \u00f3 aun chamuliando, abill\u00f3 yeque al Mancloy e Synagoga, y le pen\u00f3: Muli sinela tun chabori: na molestes al Duquendio."
        },
        {
            "chapter": 8,
            "verse": 50,
            "name": "Luke 8:50",
            "text": "Tami Jesus pur ocono junel\u00f3, pen\u00f3 al batu de la bedori: Na dara\u00f1eles, pachibel colcoramente, y sinar\u00e1 mistos."
        },
        {
            "chapter": 8,
            "verse": 51,
            "name": "Luke 8:51",
            "text": "Y pur bigore\u00f3 al quer: na mec\u00f3 chalar andr\u00e9 \u00e1 cayque, sino \u00e1 Pedro, y \u00e1 Santiago, y \u00e1 Juan, y al batu, y \u00e1 la dai de la bedori."
        },
        {
            "chapter": 8,
            "verse": 52,
            "name": "Luke 8:52",
            "text": "Y os sares orobaban, y a pla\u00f1ian.\u00a0 Y \u00f3 pen\u00f3: Na orobeleis, na sinela muli a bedori, sino que sobela."
        },
        {
            "chapter": 8,
            "verse": 53,
            "name": "Luke 8:53",
            "text": "Y se le girelaban, chanelando que sinaba muli."
        },
        {
            "chapter": 8,
            "verse": 54,
            "name": "Luke 8:54",
            "text": "Tami \u00f3 la ustil\u00f3 pre a bas, y pen\u00f3 \u00e1 gole baro: Bedori, Costunatucue."
        },
        {
            "chapter": 8,
            "verse": 55,
            "name": "Luke 8:55",
            "text": "Y limbidi\u00f3 a ochi \u00e1 sir\u00f3, y se costun\u00f3 yescotria.\u00a0 Y \u00f3 pen\u00f3, que le di\u00f1esen de jamar."
        },
        {
            "chapter": 8,
            "verse": 56,
            "name": "Luke 8:56",
            "text": "Y os batuces de sir\u00f3 sin\u00e1ron canguelados, y \u00f3 les pen\u00f3, que \u00e1 cayque penasen ma habia sinado querdi. "
        }
    ]
}