{
    "translation": "El Evangelio segun S. Lucas, traducido al Roman\u00ed, \u00f3 dialecto de los Gitanos de Espa\u00f1a",
    "abbreviation": "calo",
    "lang": "rmq",
    "language": "Calo",
    "direction": "LTR",
    "encoding": "UTF-8",
    "book_nr": 42,
    "book_name": "Luke",
    "chapter": 22,
    "name": "Luke 22",
    "verses": [
        {
            "chapter": 22,
            "verse": 1,
            "name": "Luke 22:1",
            "text": "Y sinaba sunparal a fiesta es Azymos, sos sinela araquerada Ciria:"
        },
        {
            "chapter": 22,
            "verse": 2,
            "name": "Luke 22:2",
            "text": "Y os Manclayes es Erajais, y os Libanes orotaban sasta querelarian merar \u00e1 Jesus: tami canguelaban \u00e1 la sueti."
        },
        {
            "chapter": 22,
            "verse": 3,
            "name": "Luke 22:3",
            "text": "Y Satanas chal\u00f3 andr\u00e9 Judas, sos terelaba por aver nao Iscariotes, yeque es duideque."
        },
        {
            "chapter": 22,
            "verse": 4,
            "name": "Luke 22:4",
            "text": "Y chal\u00f3, y trat\u00f3 sat os Manclayes es Erajais, y sat os Baraderes de sasta se le entreguisaria."
        },
        {
            "chapter": 22,
            "verse": 5,
            "name": "Luke 22:5",
            "text": "Y se alend\u00e1ron, y concert\u00e1ron de di\u00f1arle jayere."
        },
        {
            "chapter": 22,
            "verse": 6,
            "name": "Luke 22:6",
            "text": "Y sinaba sat junos de acuerdo.\u00a0 Y orotaban chiros, somia entreguisarlo bi concurso de sueti."
        },
        {
            "chapter": 22,
            "verse": 7,
            "name": "Luke 22:7",
            "text": "Y abill\u00f3 pues o chibes es azymos; pur jomte merar a Ciria."
        },
        {
            "chapter": 22,
            "verse": 8,
            "name": "Luke 22:8",
            "text": "Y bichab\u00f3 \u00e1 Pedro, y \u00e1 Juan, penando: Chalad \u00e1 chitarnos a Ciria somia que jamelemos."
        },
        {
            "chapter": 22,
            "verse": 9,
            "name": "Luke 22:9",
            "text": "Y junos pen\u00e1ron: \u00bfAnduque camelas que la querelemos?"
        },
        {
            "chapter": 22,
            "verse": 10,
            "name": "Luke 22:10",
            "text": "Y les pen\u00f3: Yescotria que chaleis andr\u00e9 o foros, rachelareis yeque manu, sos lliguerela coro de pani: chalad le palal disde o quer, anduque chalar\u00e1 andr\u00e9."
        },
        {
            "chapter": 22,
            "verse": 11,
            "name": "Luke 22:11",
            "text": "Y penelad al julai e quer: O duquendio tucue penela: \u00bfAnduque sinela a cumorra, duque terelo que jamar a Ciria sat minr\u00e9s discipules?"
        },
        {
            "chapter": 22,
            "verse": 12,
            "name": "Luke 22:12",
            "text": "Y \u00f3 diar\u00e1 sangue yeque cumorra bari, chiteladla ot\u00e9."
        },
        {
            "chapter": 22,
            "verse": 13,
            "name": "Luke 22:13",
            "text": "Y junos chal\u00e1ron, y lo alach\u00e1ron andiar sasta les terelaba penado, y child\u00e1ron a Ciria."
        },
        {
            "chapter": 22,
            "verse": 14,
            "name": "Luke 22:14",
            "text": "Y pur sinaba chiros, se bejel\u00f3 \u00e1 la mensalle, y os duideque Ap\u00f3stoles sat \u00f3."
        },
        {
            "chapter": 22,
            "verse": 15,
            "name": "Luke 22:15",
            "text": "Y les pen\u00f3: Sat pesquital he camelado jamar con-a-sangue ocona Ciria, anglal de merar."
        },
        {
            "chapter": 22,
            "verse": 16,
            "name": "Luke 22:16",
            "text": "Presas sangue penelo, que na jamar\u00e9 buter de sir\u00f3 disde que sinele perelada andr\u00e9 o chim de Deb\u00e9l."
        },
        {
            "chapter": 22,
            "verse": 17,
            "name": "Luke 22:17",
            "text": "Y ustilando a bada, di\u00f1\u00f3 garapatias, y pen\u00f3: Ustilad, y distribuidlo enr\u00e9 sangue."
        },
        {
            "chapter": 22,
            "verse": 18,
            "name": "Luke 22:18",
            "text": "Presas sangue penelo, que na piyar\u00e9 but\u00e9r e mibao e resis, disde que abillele o chim de Deb\u00e9l."
        },
        {
            "chapter": 22,
            "verse": 19,
            "name": "Luke 22:19",
            "text": "Y terelando ustilado o manro, di\u00f1\u00f3 garapatias, y o asparab\u00f3, y se lo di\u00f1\u00f3, penando: Ocona sinela minrio trupos, sos sinela di\u00f1ado por sangue: ocona querelad en f\u00e1cho de mangue."
        },
        {
            "chapter": 22,
            "verse": 20,
            "name": "Luke 22:20",
            "text": "Y andiar matejo a bada, palal de terelar jamado, penando: Ocona bada sinela o Nebo Testamento en minri rati, sos sinar\u00e1 butanada por sangue."
        },
        {
            "chapter": 22,
            "verse": 21,
            "name": "Luke 22:21",
            "text": "Tami diquelad acoi, que la baste de \u00f3 sos mangue entreguisarela, con-a-mangue sinela \u00e1 la mensalle."
        },
        {
            "chapter": 22,
            "verse": 22,
            "name": "Luke 22:22",
            "text": "Aromali o Chaboro e manu chala, sasta ma sinela decretado: \u00a1Tami ysna de ocola manu por coin sinar\u00e1 entreguisarado!"
        },
        {
            "chapter": 22,
            "verse": 23,
            "name": "Luke 22:23",
            "text": "Y junos se chib\u00e1ron \u00e1 puchabarse yeques \u00e1 averes, coin de junos sinaria \u00f3, sos terelaba que querelar ocono."
        },
        {
            "chapter": 22,
            "verse": 24,
            "name": "Luke 22:24",
            "text": "Y se ardi\u00f1\u00f3 tambien enr\u00e9 junos jestia, coin de junos bichotaba sinar mas baro."
        },
        {
            "chapter": 22,
            "verse": 25,
            "name": "Luke 22:25",
            "text": "Tami \u00f3 les pen\u00f3: Os Crallises es Busn\u00e9s se era\u00f1orean de junos, y junos sos terelan sila opr\u00e9 de junos sinelan araquerados quereladores de mistos."
        },
        {
            "chapter": 22,
            "verse": 26,
            "name": "Luke 22:26",
            "text": "Tami sangue no andiar: antes \u00f3 sos sinela mas baro enr\u00e9 sangue, querelese sasta o mendesquero, y o sos broto sinela, sasta o sos sirvisarela."
        },
        {
            "chapter": 22,
            "verse": 27,
            "name": "Luke 22:27",
            "text": "Presas \u00bfcoin sinela mas baro, el sos sinela bejalado \u00e1 la mensalle, \u00f3 el sos servisarela?\u00a0 \u00bfNa sinela mas baro el sos sinela bejalado \u00e1 la mensalle?\u00a0 Pues menda sinelo en medio de sangue, andiar sasta o sos sirvisarela."
        },
        {
            "chapter": 22,
            "verse": 28,
            "name": "Luke 22:28",
            "text": "Tami sangue sinelais junos sos terelais permanecido con-a-mangue andr\u00e9 minrio tremendo."
        },
        {
            "chapter": 22,
            "verse": 29,
            "name": "Luke 22:29",
            "text": "Y por ocono chitelo menda o chim para sangue, sasta minrio Dada lo chit\u00f3 para mangue,"
        },
        {
            "chapter": 22,
            "verse": 30,
            "name": "Luke 22:30",
            "text": "Somia que jameleis y piyaleis \u00e1 minri mensalli andr\u00e9 minrio chim, y sangue bejeleis opr\u00e9 thronos somia juzgar \u00e1 las duideque tribus de Israel."
        },
        {
            "chapter": 22,
            "verse": 31,
            "name": "Luke 22:31",
            "text": "Y pen\u00f3 \u00f3 Era\u00f1or\u00f3 buter: Simon, Simon, diquela que Satanas ha mangado tucue somia zarandear tucue sasta gi."
        },
        {
            "chapter": 22,
            "verse": 32,
            "name": "Luke 22:32",
            "text": "Tami menda he manguelado por tucue, que na faltisarele t\u00edri f\u00e9: y tucue yeque begai convertido, confirma a tires plalores."
        },
        {
            "chapter": 22,
            "verse": 33,
            "name": "Luke 22:33",
            "text": "O le pen\u00f3: Era\u00f1\u00f3, sarmu\u00f1\u00e9 sinelo chalar sa\u2019tucue aun \u00e1 estaripel, y \u00e1 meripen."
        },
        {
            "chapter": 22,
            "verse": 34,
            "name": "Luke 22:34",
            "text": "Tami Jesus le pen\u00f3: Te penelo, Pedro, que na giyabelar\u00e1 sejonia o basn\u00f3, sin que trin begais has penado que na pincharelas mangue.\u00a0 Y les pen\u00f3:"
        },
        {
            "chapter": 22,
            "verse": 35,
            "name": "Luke 22:35",
            "text": "Pur sangue bichab\u00e9 bi quisobu, y bi manronea, y bi tirajais, \u00bfpor baji sangue faltisar\u00f3 yeque buchi?"
        },
        {
            "chapter": 22,
            "verse": 36,
            "name": "Luke 22:36",
            "text": "Y junos rudel\u00e1ron: Chi.\u00a0 Yescotria les pen\u00f3: Pues acana coin terela quisobu, ustilelo; y tambien manronea: y \u00f3 sos na lo terela, binele desquero gate y quinele janro."
        },
        {
            "chapter": 22,
            "verse": 37,
            "name": "Luke 22:37",
            "text": "Presas sangue penelo que jomte que se diquele perelado andr\u00e9 mangue aun ocono sos sinela libanado; Y sinaba jinado sat os chor\u00e9s.\u00a0 Presas as buchias sos pajabelan \u00e1 mangue, terelan desquero cumplimiento."
        },
        {
            "chapter": 22,
            "verse": 38,
            "name": "Luke 22:38",
            "text": "Tami junos rudel\u00e1ron: Era\u00f1o, he acoi dui janres.\u00a0 Y \u00f3 les pen\u00f3: Barsamia."
        },
        {
            "chapter": 22,
            "verse": 39,
            "name": "Luke 22:39",
            "text": "Y chalando abr\u00ed, se guill\u00f3, sasta solia, al bur es zetallas.\u00a0 Y l\u00e9 sinaban tambien plasta\u00f1ando desqueres discipules."
        },
        {
            "chapter": 22,
            "verse": 40,
            "name": "Luke 22:40",
            "text": "Y pur bigore\u00f3 al stano, les pen\u00f3: Manguelad \u00e1 Un-deb\u00e9l? somia que na chaleis andr\u00e9 chungalo."
        },
        {
            "chapter": 22,
            "verse": 41,
            "name": "Luke 22:41",
            "text": "Y se chal\u00f3 de junos dur, sasta astis bucharar yeque bar: Y chitado de chanelis, manguelaba,"
        },
        {
            "chapter": 22,
            "verse": 42,
            "name": "Luke 22:42",
            "text": "Penando: Dada, si camelas, naquele de mangue ocona bada: Tami na se querele minri pesquital, sino tiri."
        },
        {
            "chapter": 22,
            "verse": 43,
            "name": "Luke 22:43",
            "text": "Y le bichot\u00f3 yeque Manfariel e Charos, sos le confortaba.\u00a0 Y chibado en dua, manguelaba sat sila but\u00e9r."
        },
        {
            "chapter": 22,
            "verse": 44,
            "name": "Luke 22:44",
            "text": "Y sinaba desquero sudor, sasta gotas de rati, sos peraba disde la chiquen."
        },
        {
            "chapter": 22,
            "verse": 45,
            "name": "Luke 22:45",
            "text": "Y sasta se ardi\u00f1\u00f3 de manguelar, abill\u00f3 \u00e1 desquer\u00e9s discipules, y los alach\u00f3 sornando de charabury."
        },
        {
            "chapter": 22,
            "verse": 46,
            "name": "Luke 22:46",
            "text": "Y les pen\u00f3: \u00bfPresas querelais sobindoy? ardi\u00f1aos, y manguelad, somia que na chaleis andr\u00e9 o chungalo."
        },
        {
            "chapter": 22,
            "verse": 47,
            "name": "Luke 22:47",
            "text": "Y sasta sinaba \u00f3 aun penando, se dic\u00f3 yeque plasta\u00f1i de manuces: y \u00f3 sos het\u00f3 Judas, yeque es duideque, chalaba anglal de junos: y bigore\u00f3 \u00e1 Jesus somia chupendarle."
        },
        {
            "chapter": 22,
            "verse": 48,
            "name": "Luke 22:48",
            "text": "Tami Jesus le pen\u00f3: \u00bfJudas, sat chupendi entreguisar\u00e9las al Chaboro e manu?"
        },
        {
            "chapter": 22,
            "verse": 49,
            "name": "Luke 22:49",
            "text": "Y pur dic\u00e1ron junos sos sinaban sat \u00f3, ma chalaba \u00e1 anacar, le pen\u00e1ron: Era\u00f1\u00f3, \u00bfcuraremos sat o janro?"
        },
        {
            "chapter": 22,
            "verse": 50,
            "name": "Luke 22:50",
            "text": "Y yeque de junos cur\u00f3 \u00e1 yeque lacr\u00f3 e Manclay es erajais, y chin\u00f3 de \u00f3 o can bastar\u00f3."
        },
        {
            "chapter": 22,
            "verse": 51,
            "name": "Luke 22:51",
            "text": "Tami Jesus, ustilando a varda, pen\u00f3: Mequelad disde acoi.\u00a0 Y pajab\u00f3 de \u00f3 o can, y le chib\u00f3 lacho."
        },
        {
            "chapter": 22,
            "verse": 52,
            "name": "Luke 22:52",
            "text": "Y pen\u00f3 Jesus \u00e1 os Manclayes es Erajais, y \u00e1 os Baranderes e cangri, y \u00e1 os Pur\u00e9s, sos habian abillado ot\u00e9: \u00bfPresas sasta \u00e1 rand\u00e9 terelais chalado abr\u00ed sat janr\u00e9s y cat\u00e9s?"
        },
        {
            "chapter": 22,
            "verse": 53,
            "name": "Luke 22:53",
            "text": "Habiendo sinado cata chib\u00e9s con-a-sangue andr\u00e9 \u00e1 cangri, na bucharasteis as baste contra mangue: tami ocona sinela jire ocana, y a sila es bengues."
        },
        {
            "chapter": 22,
            "verse": 54,
            "name": "Luke 22:54",
            "text": "Y bucharando baste opr\u00e9 \u00f3, le lliguer\u00e1ron al quer e Pontesquer\u00f3: y Pedro le plasta\u00f1aba muy dur."
        },
        {
            "chapter": 22,
            "verse": 55,
            "name": "Luke 22:55",
            "text": "Y terelando urdiflado yaque en medio e atrio, y bestelandose junos al crugos, sinaba tambien Pedro en medio de junos."
        },
        {
            "chapter": 22,
            "verse": 56,
            "name": "Luke 22:56",
            "text": "Yeque lacr\u00ed, pur le dic\u00f3 bestelado \u00e1 la yaque, lo di\u00f3 emposun\u00f3, y pen\u00f3: Y ocona sat \u00f3 sinaba."
        },
        {
            "chapter": 22,
            "verse": 57,
            "name": "Luke 22:57",
            "text": "Tami \u00f3 lo neguisar\u00f3, penando: Cadchi, na lo pincharelo."
        },
        {
            "chapter": 22,
            "verse": 58,
            "name": "Luke 22:58",
            "text": "Y una fremita palal, dicandolo aver, pen\u00f3: Y tucue de junos sinelas, Y pen\u00f3 Pedro: Manu, na sinelo."
        },
        {
            "chapter": 22,
            "verse": 59,
            "name": "Luke 22:59",
            "text": "Y nacada sasta yesque ocana, chamuliaba aver y penaba: Aromali ocona sat \u00f3 sinaba: Presas sinela tambien Galil\u00e9o."
        },
        {
            "chapter": 22,
            "verse": 60,
            "name": "Luke 22:60",
            "text": "Y pen\u00f3 Pedro: Manu na chanelo ma penelas.\u00a0 Y andr\u00e9 \u00f3 matejo chiros, pur o sinaba aun chamuliando, giyabel\u00f3 o basno."
        },
        {
            "chapter": 22,
            "verse": 61,
            "name": "Luke 22:61",
            "text": "Y voltisarandose o Era\u00f1\u00f3, di\u00f3 \u00e1 Pedro.\u00a0 Y Pedro se parel\u00f3 e varda e Era\u00f1or\u00f3 sasta le habia penado: Anglal que o basn\u00f3 giyabele; mangue neguisarer\u00e1s trin begais:"
        },
        {
            "chapter": 22,
            "verse": 62,
            "name": "Luke 22:62",
            "text": "Y chalando Pedro abr\u00ed, orob\u00f3 baribu."
        },
        {
            "chapter": 22,
            "verse": 63,
            "name": "Luke 22:63",
            "text": "Y ocolas sos terelaban \u00e1 Jesus, o caqueraban, curandole."
        },
        {
            "chapter": 22,
            "verse": 64,
            "name": "Luke 22:64",
            "text": "Y le uchar\u00e1ron as aquias, y le cur\u00e1ron en la chichi, y le puchababan, y chamuliaban: Penamangue, coin sinela \u00f3 sos cur\u00f3 tucue:"
        },
        {
            "chapter": 22,
            "verse": 65,
            "name": "Luke 22:65",
            "text": "Y penaban averes baribustrias buchias zerma\u00f1ando contra \u00f3."
        },
        {
            "chapter": 22,
            "verse": 66,
            "name": "Luke 22:66",
            "text": "Y pur sin\u00e1ba de chibes se catan\u00e1ron os pur\u00e9s e sueti, y os Manclayes es Erajais, y os Libanes, y o lliguer\u00e1ron \u00e1 desqueri beia, y le pen\u00e1ron: Si tucue sinelas o Christo, pen."
        },
        {
            "chapter": 22,
            "verse": 67,
            "name": "Luke 22:67",
            "text": "Y les pen\u00f3: Si sangue lo pen\u00e1re, na pachibelareis mangue."
        },
        {
            "chapter": 22,
            "verse": 68,
            "name": "Luke 22:68",
            "text": "Tambien si sangue puchab\u00e1re, na rudelareis mangue, ni chitareis en mestepen."
        },
        {
            "chapter": 22,
            "verse": 69,
            "name": "Luke 22:69",
            "text": "Tami desde acana o Chaboro e manu sinar\u00e1 bejelado \u00e1 la bastari e sila de Deb\u00e9l."
        },
        {
            "chapter": 22,
            "verse": 70,
            "name": "Luke 22:70",
            "text": "Pen\u00e1ron averes: \u00bfAndiar, tucue sinelas o Chaboro de Deb\u00e9l?\u00a0 O pen\u00f3: Sangue penelais que menda lo sinelo."
        },
        {
            "chapter": 22,
            "verse": 71,
            "name": "Luke 22:71",
            "text": "Y junos pen\u00e1ron: \u00bfQu\u00e9 but\u00e9r machiria jomte? pues mu matejos lo habemos junelado de la mui de \u00f3. "
        }
    ]
}