{
    "translation": "El Evangelio segun S. Lucas, traducido al Roman\u00ed, \u00f3 dialecto de los Gitanos de Espa\u00f1a",
    "abbreviation": "calo",
    "lang": "rmq",
    "language": "Calo",
    "direction": "LTR",
    "encoding": "UTF-8",
    "book_nr": 42,
    "book_name": "Luke",
    "chapter": 21,
    "name": "Luke 21",
    "verses": [
        {
            "chapter": 21,
            "verse": 1,
            "name": "Luke 21:1",
            "text": "Y sinando diando, dic\u00f3 os balbales sos bucharaban desquerias ofrendas andr\u00e9 a jestari e manchin."
        },
        {
            "chapter": 21,
            "verse": 2,
            "name": "Luke 21:2",
            "text": "Y dic\u00f3 tambien yeque piuli chorori, sos chibelaba dui cales chinores."
        },
        {
            "chapter": 21,
            "verse": 3,
            "name": "Luke 21:3",
            "text": "Y pen\u00f3: Aromali sangue penelo, que ocona chorori piuli ha chibado but\u00e9r que sares os av\u00e9res."
        },
        {
            "chapter": 21,
            "verse": 4,
            "name": "Luke 21:4",
            "text": "Presas sares ocolas terelan bucharado som\u00eda ofrendas de Deb\u00e9l, de ma les sobresarela: Tami ocona de desqueri erdicha terela chibado saro o jayere sos terelaba."
        },
        {
            "chapter": 21,
            "verse": 5,
            "name": "Luke 21:5",
            "text": "Y rudel\u00f3 \u00e1 yeques, sos penaban de la cangri, que sinaba chiti de barias pacuarias, y de di\u00f1ipenes:"
        },
        {
            "chapter": 21,
            "verse": 6,
            "name": "Luke 21:6",
            "text": "Oconas buchias sos diquelais, abillar\u00e1n chibeses, pur na sinar\u00e1 mequelada bar opr\u00e9 bar, sos na sinar\u00e1 demolida."
        },
        {
            "chapter": 21,
            "verse": 7,
            "name": "Luke 21:7",
            "text": "Y le puchab\u00e1ron, y pen\u00e1ron: \u00bfDuquendio, pur sinar\u00e1 ocono? y que simache sinar\u00e1, pur ocono comenz\u00e1re \u00e1 sinar?"
        },
        {
            "chapter": 21,
            "verse": 8,
            "name": "Luke 21:8",
            "text": "O pen\u00f3: Diquelad, que na sineleis jongabados: presas baribustres abillar\u00e1n andr\u00e9 minrio nao, penando: Menda sinelo, y o chiros sinela sunparal: garabelaos pues de chalar palal de junos."
        },
        {
            "chapter": 21,
            "verse": 9,
            "name": "Luke 21:9",
            "text": "Y pur junelareis chingaripenes y jestias, sangue na cangueleis: presas jomte que ocono anaquele brotoboro, tami na sinar\u00e1 yescotria a anda."
        },
        {
            "chapter": 21,
            "verse": 10,
            "name": "Luke 21:10",
            "text": "Entonces les penaba: Se ardi\u00f1ar\u00e1 sueti contra sueti, y chim contra chim."
        },
        {
            "chapter": 21,
            "verse": 11,
            "name": "Luke 21:11",
            "text": "Y sinar\u00e1 bares jolili-motos por os gaues, y salip\u00e9nes, y boquises y sinar\u00e1 buchias espantosas, y barias simaches e Charos."
        },
        {
            "chapter": 21,
            "verse": 12,
            "name": "Luke 21:12",
            "text": "Tami anglal de saro ocono sangue ustilar\u00e1n, y plasta\u00f1ar\u00e1n, entregisarando sangue \u00e1 as Synagogas, y \u00e1 os estaripeles, y lliguerar\u00e1n sangue \u00e1 os Crallises, y \u00e1 os Poresqueres, por minrio nao:"
        },
        {
            "chapter": 21,
            "verse": 13,
            "name": "Luke 21:13",
            "text": "Y ocono sinar\u00e1 sasta machiria \u00e1 sangue."
        },
        {
            "chapter": 21,
            "verse": 14,
            "name": "Luke 21:14",
            "text": "Terelad yeque buchi silni andr\u00e9 jires carl\u00e9s, o na penchabar anglal ma terelais de rudelar."
        },
        {
            "chapter": 21,
            "verse": 15,
            "name": "Luke 21:15",
            "text": "Presas menda di\u00f1ar\u00e9 sangue mui y chaneleria, al que n\u2019astisarelar\u00e1n resistir, ni contrapenar sares jires daschmanuces:"
        },
        {
            "chapter": 21,
            "verse": 16,
            "name": "Luke 21:16",
            "text": "Y sinareis entregados de jires batuces, y plalores, y rati, y monr\u00e9s, y querelar\u00e1n merar a y\u00e9ques de sangue."
        },
        {
            "chapter": 21,
            "verse": 17,
            "name": "Luke 21:17",
            "text": "Y sares aborrecer\u00e1n \u00e1 sangue pre minrio nao."
        },
        {
            "chapter": 21,
            "verse": 18,
            "name": "Luke 21:18",
            "text": "Tami na se najabar\u00e1 yeque bal de jires jer\u00e9s."
        },
        {
            "chapter": 21,
            "verse": 19,
            "name": "Luke 21:19",
            "text": "Sat jiri paciencia listrabareis jirias ochias."
        },
        {
            "chapter": 21,
            "verse": 20,
            "name": "Luke 21:20",
            "text": "Pues pur dic\u00e1reis \u00e1 Jerusal\u00e9m pandada al crugos de jundunares, entonces chanelad que sun najipen sinela sunparal."
        },
        {
            "chapter": 21,
            "verse": 21,
            "name": "Luke 21:21",
            "text": "Entonces junos sos sinelan andr\u00e9 la Jud\u00e9a, najalelen \u00e1 os bures: y junos en medio de sir\u00f3 se sicobelen abr\u00ed; y junos andr\u00e9 os bures na chalen andr\u00e9 de sir\u00f3."
        },
        {
            "chapter": 21,
            "verse": 22,
            "name": "Luke 21:22",
            "text": "Presas oconas sinelan chibeses de venganza, somia se perelalen sarias as buchias, sos sinelan libanadas."
        },
        {
            "chapter": 21,
            "verse": 23,
            "name": "Luke 21:23",
            "text": "Tami ysna de las cambrias, y de ocolas sos di\u00f1elan de mamisarar andr\u00e9 ocolas chibeses!\u00a0 Presas sinar\u00e1 bari apretura opr\u00e9 a pu, y ira para ocona sueti."
        },
        {
            "chapter": 21,
            "verse": 24,
            "name": "Luke 21:24",
            "text": "Y perar\u00e1n \u00e1 filo e estuche: y sinar\u00e1n lliguerados utildes \u00e1 sares os chimes, y Jerusal\u00e9m sinar\u00e1 hollada de los Busn\u00e9s: disde que se perele o chiros es Busnes."
        },
        {
            "chapter": 21,
            "verse": 25,
            "name": "Luke 21:25",
            "text": "Y terelar\u00e1 sim\u00e1ches Cam, y andr\u00e9 a Chimutra, y andr\u00e9 as cherdillas; y andr\u00e9 la pu tr\u00e1qui es manuces pre a confusion sos querelara a chumas e moros, y de sus panias."
        },
        {
            "chapter": 21,
            "verse": 26,
            "name": "Luke 21:26",
            "text": "Sinando os manuces yertos por o dal y canguelo es buchias, sos opre abillaran \u00e1 sari a sueti: presas as silas e Tarpe sinar\u00e1n conmovidas:"
        },
        {
            "chapter": 21,
            "verse": 27,
            "name": "Luke 21:27",
            "text": "Entonces diquelar\u00e1n al Chaboro e manu ab\u00edllar opr\u00e9 yeque paros sat ezor baro y chimusolano."
        },
        {
            "chapter": 21,
            "verse": 28,
            "name": "Luke 21:28",
            "text": "Pur comenzaren pues \u00e1 perelarse oconas buchias, diquelad, y ardi\u00f1elad jires jeres; presas sunparal sinela jire mestep\u00e9."
        },
        {
            "chapter": 21,
            "verse": 29,
            "name": "Luke 21:29",
            "text": "Y les pen\u00f3 yeque semejanza: Diquelad a carschta-heila, y sarias as carschtas."
        },
        {
            "chapter": 21,
            "verse": 30,
            "name": "Luke 21:30",
            "text": "Pur bucharelan ya abr\u00ed de s\u00ed o mibao, jabillais que sunparal sinela o canriano."
        },
        {
            "chapter": 21,
            "verse": 31,
            "name": "Luke 21:31",
            "text": "Andiar tambien sangue, pur dicalareis querelarse oconas buchias, chanelad que sunparal sinela o chim de Deb\u00e9l."
        },
        {
            "chapter": 21,
            "verse": 32,
            "name": "Luke 21:32",
            "text": "Aromali sangue penelo, que na nacar\u00e1 ocona generacion, disde que sarias oconas buchias sinar\u00e1n quereladas."
        },
        {
            "chapter": 21,
            "verse": 33,
            "name": "Luke 21:33",
            "text": "O Charos y la pu nacabar\u00e1n: tami minrias vardas na nacar\u00e1n."
        },
        {
            "chapter": 21,
            "verse": 34,
            "name": "Luke 21:34",
            "text": "Diquelad pues por sangue, na sinele que jires carl\u00e9s se carguisarelen de glotoneria y de matipen, y de las gramias de ocona chipen: y que abillele de repente opr\u00e9 sangue ocola chibes."
        },
        {
            "chapter": 21,
            "verse": 35,
            "name": "Luke 21:35",
            "text": "Presas andiar sasta yeque maluno abillar\u00e1 opr\u00e9 sares sos sinelan opr\u00e9 a chichi de sari a jolili."
        },
        {
            "chapter": 21,
            "verse": 36,
            "name": "Luke 21:36",
            "text": "Pues sinelad de vela manguelando \u00e1 Un-deb\u00e9l andr\u00e9 saro chiros, somia que sineleis cabalicos de najar sarias oconas buchias, sos jomte sinar, y de sinar andre pindr\u00e9, anglal e Chaboro e manu."
        },
        {
            "chapter": 21,
            "verse": 37,
            "name": "Luke 21:37",
            "text": "Y sinaba bedando andr\u00e9 a cangri: ta arachis chalaba abr\u00ed, y lo nacaba andr\u00e9 o bur, araquerado e Urucal."
        },
        {
            "chapter": 21,
            "verse": 38,
            "name": "Luke 21:38",
            "text": "Y sari a sueti se ardi\u00f1el\u00f3 de clarico, somia abillar, a junarle andr\u00e9 a cangri. "
        }
    ]
}